Presidenti rus Vladimir Putin dhe homologu i tij francez Emmanuel Macron diskutuan situatën në Ukrainë dhe Mali, si dhe “sigurinë e kontinentit evropian” gjatë një bisede telefonike të martën, tha Kremlini.
Të dy krerët diskutuan planet për garancitë ruse të sigurisë, të cilat iu komunikuan vendeve anëtare të NATO -s dhe më pas u bënë publike.
“Diskutimet vazhduan për çështjet që lidhen me rritjen e stabilitetit dhe sigurisë në kontinentin evropian. Prioritet iu dha planeve, Traktatit Rusi-SHBA për Garancitë e Sigurisë dhe Marrëveshja për Masat e Sigurisë të Rusisë dhe Shteteve Anëtare të NATO-s, të cilat iu dorëzuan marrësve përkatës, përfshirë Francën, dhe më pas u bënë publike”, tha Kremlini në një deklaratë.
Presidenti rus Vladimir Putin uroi homologun e tij francez për ditëlindjen e tij, ndërsa të dy liderët shkëmbyen urime për Krishtlindje dhe Vitin e Ri, tha Kremlini në një deklaratë. /abcnews.al
