Teuta ka prezantuar përforcimin e saj më të fundit, mbrojtësin Renato Arapi. Ish-lojtari i Skënderbeut dhe I kombëtare shqiptare, bëhet pjesë e durrsakëve pas përvojës që kaloi në kampionatin turk, dhe do të jetë në dispozicion të trajnerit Bledi Shkëmbi, për ndeshjen e radhës ndaj Tiranës në Superligë.
Teuta është një nga skuadrat që janë forcuar më shumë gjatë muajit janar, ndërsa pretendon të paktën që të kualifikohet për në Ligën e Europës. Gjatë këtyre ditëve, durrsakët morën mbrojtësin Erlis Frashëri nga Kamza, si dhe sulmuesin Tomislav Bushiç nga Flamurtari.
Skuadra e trajnerit Shkëmbi është në vendin e tretë në renditjen e kampionatit, me 34 pikë, dhe matematikisht i ka shanset për të luftuar edhe për titullin kampion. /abcnews.al
