Atletico Madrid u mposht ne derbi nga Real Madrid, sfidë e cila u mbyll me shifrat 2-0.
Për ekipin e Diego Simenone kjo është humbja e dytë në dy ndeshjet e fundit duke humbur terren ndaj kundërshatrit të tyre Real Madridit.
Pas kësaj humbje, Simeone nuk e fshehu zhgënjimin për humbjen në derbi, por në të njëjtën kohë gjeti shkakun e paraqitjes së dobët të djemve të tij, për të cilën mendon se është lodhja prej duelit ndaj Portos në Champions League.
“Në futboll forma është aspekti më i rëndësishëm. Reali po kalon një moment fantastik, ata shënuan dhe ndryshuan komplet ndeshjen. Ne ia dolëm të krijojmë ndonjë rast në minutat e para të pjesës së dytë, por ata realizuan një gol të shkëlqyer.
Ne vijmë nga një konsum i madh mental, ndeshja e Champions në Portugali pati ndikimin e vet. Reali po qarkullonte topin, por nuk po krijonte raste. Më pas shënoi Benzema dhe ndeshja mori një tjetër rrjedhë.
Djemtë e mi dhanë gjithçka, po punojnë mirë dhe kampionati është i gjatë. Sot kemi një diferencë të madhe me kreun (13 pikë), duhet të fokusohemi tek ekipet që kemi afër në renditje”, deklaroi pas ndeshjes Siemone. /f.a/abcnews.al
