Moti i keq me reshje të vazhdueshme shiu ka shkaktuar një sërë problematikash në Librazhd. Mësohet se si pasojë e shkëputjes së energjisë elektrike qyteti është zhytur në terr ndërsa nuk kanë munguar as përmbytjet e rrugëve.
Probleme ka pasur në kryqëzimin e qytetit, në rrugën e Policisë, rrugën e Spitalit ndërsa ka shpërthyer edhe kolektori i ujërave të zeza. Punimet e “Albstar”, subjekti që kryen punimet në ujësjellës kanalizime vazhdojnë të krijojnë probleme që prej një viti gjithmonë kur ka reshje. /abcnews.al/
