Loading ...
Prangoset në Tiranë një 23-vjeçar, i cili ishte kthyer në tmerrin e grabitjeve të çantave dhe telefonave në zonën e ish-Kombinatit. Ndërkohë 4 të tjerë u arrestuan në Kavajë të akuzuar për të paktën 13 vjedhje banesash e vila luksoze.
Numri i lartë i vjedhjeve me thyerje, si të bizneseve po kështu edhe të banesave në qarkun e Tiranës, ka çuar në prangat e policisë 5 persona. Kështu, Komisariati.nr.6., pohoi se ka arrestuar një 23-vjeçar, i cili ishte kthyer në tmerrin e zonës së Kombinatit. D. Lika, akuzohet për të paktën tre grabitje çantash dhe pre e tij ishin të gratë në moshë. Gjithashtu, 23-vjecari akuzohet edhe për vjedhje celularësh në autobusat e linjave të urbanëve në Tiranë.
Por vjedhje të shumta janë shënuar edhe në qyetitin e Kavajës. Sipas uniformave blu, katër persona janë arrestuar, të cilët akuzohen për vjedhje banesash. Policia theksoi se, ka dokumentuar të paktën 13 grabitje banesash dhe për të rënë në gjurmët e grupit kriminal do të duheshin të paktën 5 muaj ndjekje me metoda speciale të hetimit, pohojnë ekspertët kundër vjedhjeve në Kavajë. Emri i operacionit u kodua “Perimetri”, për shkak të vjedhjeve të shumta të kryera në zona të ndryshme të Kavajës.
Po kështu, shumë vila janë raportuara si të grabitura në zonën e plazhit te Mali i Robit, por ngjarjet vijojnë të jenë ende pa autorë. Ndërkohë në të gjithë vendin përgjatë 20 ditëve të para të janarit janë shënuar 62 grabitje me thyerje duke shënuar një rritje të ndjeshme krahasuar me të njëjtën periudhë të një viti më parë. Trendi i vjedhjeve nuk janë më vetëm banesat, por bizneset si edhe bankat e nivelit të dytë./abcnews.al
