Kanë nisur sot punimet për aeroportin e Vlorës. Ashtu sikurse ishte njoftuar për në 28 Nëntor. Gjatë fjalës së tij, kryeministri Edi Rama tregoi vështirësitë e mbërritjes në këtë ditë.\ndër të tjera, kreu i qeverisë tha se si deputet i Vlorës i është dashur të durojë edhe padurimin dhe përqeshjen e vlonjatëve.
“Vlora ka historinë e saj për sa i përket transportit ajror. Këtu është krijuar shkolla e parë e aviacionit, ndërsa këtu ku ndehemi është ndërtuar edhe aerodromi, që në 1920, i cili përdorej për arsye ushtarake. Mbi këtë gjurmë ne sot fillojmë një histori të re, sëbashku me mik të mirë, një njeri ndër më të shquarit e sipërmarrjes sonë kombëtare, një personalitet q ëme veprat e tij e ka çuar emrin në shumë vende të botës dhe çmohet prej shumë popujve dhe shumë njerëzve për veprat që ka bërë. Kam nderin ta konsideroj edhe mikun tim, Bacën Bexhet që e falendeorj shumë për përfshirjen në këtë aventurë të përbashkët. Ndër të gjitha punët që kemi bërë për të ardhur deri në këtë ditë ka qenë më e vështira. Për dreq qëlloi të ishte një punë që do bëhej këtu në Vlorë dh mua mu desh të duroj padurimin e vlonjatëve, që janë kampionët,” u shpreh Rama.
Kryeministri shtoi më tej se aeroporti i Vlorës do të jetë në aleancë me atë të Mynihut.
“Nuk ishte e thënë që ky proces të shkonte fjollë, u nis dhe u pengua disa herë për arsye objektive që nuk kishin lidhje me ne. Për dreq na u fut në mes edhe pandemia, që më shumë se çdo tjetër goditi sektorin e aviacionit. Më në fund u bë e mundur të gjendet forca e duhur për ta cuar para, që është forca e Behgjet Pacollit. Në njëfarë mënyrë gjithë ajo vonesë, ai stres të cilin vlonjatët kontribuan në mënyrë të veçantë me përqeshjet karakteristike, u kthye në mirësi sepse sot jemi këtu edhe me një aleancë fantastike për të ardhmen e aeroportit që është ai i Mynihut. Aeroporti i Mynihut vjen në Vlorë si një forcë operacionale, që garanton një menaxhim të nivelit të lartë,por garanton atë që të gjithë kane nevojë sinergjinë me aeroportet e tjera,” shtoi Rama. g.v/abcnews.al
