Ministria e Jashtme bullgare ka shpallur non-grata 10 diplomatë rusë. Bullgaria u ka dhënë diplomatëve rusë 72 orë kohë për tu larguar nga vendi.
Në një deklaratë në uebfaqen zyrtare, Ministria e Jashtme tha se çështja e shpalljes non-grata është diskutuar me kryeministrin Kirill Petkov.
Për këtë vendim është informuar ambasadori rus në Sofje.
LEXO KËTU të gjitha zhvillimet e luftës për sot
Kjo është vala e dytë e dëbimeve të diplomatëve rusë nga Bullgaria. Më 2 mars , Sofja deportoi dy diplomatë rusë mes akuzave për spiunazh.
Bullgaria, aleati më i ngushtë i Moskës gjatë Luftës së Ftohtë dhe tashmë vend anëtar i Bashkimit Evropian dhe NATO-s që ka dënuar pushtimin rus të Ukrainës, ka deportuar tetë diplomatë të tjerë rusë nën dyshimin për spiunazh në tetor 2019./abcnews.al/
