Rreth 3,000 pasagjerë të një anijeje turistike, kryesisht gjermanë, zbarkuan sot në Lisbonë, në vend që të vazhdonin udhëtimin e tyre për në Ishujt Kanarie, pas disa rasteve të identifikuara me Covid.
Fillimisht janë evakuuar personat e infektuar, ndërsa vazhdon operacioni për pjesën tjetër. Në anijen, e cila u ankorua të mërkurën në Lisbonë, me destinacion La Coru në veriperëndim të Spanjës, ndodheshin 2,844 pasagjerë dhe 1,353 anëtarë të ekuipazhit.
Në total, 68 persona rezultuan pozitivë me Covid-19 dhe 60 prej tyre ishin anëtarë të ekuipazhit. Personat e infektuar kanë zhvilluar simptoma të lehta dhe janë karantinuar në hotelet e qytetit.
Të gjithë pasagjerët mbi 12 vjeç dhe ekuipazhi ishin të vaksinuar dhe ishin testuar dy herë përpara se të hipnin në anijen turistike, tha kompania në një deklaratë.
/abcnews.al
