55 raste të reja me koronavirus në Greqi, rritet numri i viktimave

Dy persona kanë humbur jetën këtë të premte në Greqi si pasojë e koronavirusit, duke e çuar në 125 numrin e viktimave në këtë shtet.

Ndërkohë që janë shtuar 55 raste të reja duke kujtuar se vetëm dje kishte 7 raste të reja, duke e çuar numrin në 2 463 të infektuar.

Në fakt tek kjo rritje e ndjeshme kanë ndikuar dy vatra të reja, një klinikë private me 29 të infektuar mjekë dhe infermierë në Pelisteri të Athinës si dhe kampi i refugjatëve në Malakasa ku janë konfirmuar 15 policë me COVID-19./abcnews.al