I motivuar nga mosmarrëveshjet e tyre financiare, një 50-vjeçar nga Messina dyshohet se ka sulmuar ish-bashkëshorten dhe i ka hedhur lëng kaustik (acid) 49-vjeçares, e cila rrezikon të humbasë syrin e djathtë.
Të dy ishin ndarë për gjashtë vitet e fundit edhe pse kishin katër fëmijë së bashku, ndërsa gruaja kishte dy fëmijë të tjerë nga një martesë e mëparshme. Së fundmi ata kanë bashkëjetuar sërish për shkak të problemeve financiare me të cilat ka hasur 49-vjeçari. Megjithatë, raportet thonë se lidhja e tyre ishte formale dhe të dy kishin bërë të qartë se mes tyre nuk kishte asgjë romantike .
Menjëherë pas arrestimit, 50-vjeçari i tha policisë se mosmarrëveshjet financiare e motivuan atë ta sulmonte, duke tentuar në thelb ta vriste.
50-vjeçari shkoi për të parë viktimën në spital
50-vjeçari që sulmoi me lëng kaustik ish-bashkëshorten e tij 49-vjeçare tentoi ta vizitonte në spital disa orë më vonë.
Konkretisht, ai shkoi për të parë viktimën duke pretenduar se ishte një vizitë e pafajshme, kur në realitet ai donte të “mbulonte”, ngjarjen.
Policia e gjeti në spital dhe e futi brenda. Ai fillimisht e mohoi aktin e tij , por më pas ai ka pranuar nën peshën e provave dhe më pas është arrestuar.
/abcnews.al/
