Nga Leontina Nika
Të shkruash mbi debatin e gjuhës shqipe sot nuk është fort e lehtë, pasi lexuesi i rrudhur në numër, e shikuesi disi më i shumtë, e nis leximin, apo shikimin me një peshë paragjykimi se me kë është?! , apo me kah asht?!. Dualizmi i kësaj pyetje, prodhon edhe konfliktin mes palëve.
50 vjetori u organizuar nga Akademia e Shkencave, jo në akademi, por në një prej hoteleve luksoze në qendër të Tiranës. Ceremonia nisi me fjalimet e dy krerëve të akademisë, e cila u pasua nga fjalët përshëndetëse të politikanëve, të tre shteteve shqipfolëse , Shqipëri, Kosovë dhe Maqedoni e Veriut. Fjalimet e tyre, bënë shpesh që të rrudhnin buzët gjuhëtarët dhe të zgurdullonin sytë, por të drejtë kundërshtie nuk kishte, pasi gjithçka ishte e organizuar me regji.
