Pesë gazetarë u arrestuan gjatë një proteste në Birmani kundër puçit ushtarak, pasi forcat e sigurisë hapën zjarr ndaj demonstruesve. Sipas mediave lokale, protesta u zhvillua në qytetin e Mytkyina. Lajmi për arrestimin e pesë gazetarëve u publikua nga faqja 74 Media në Facebook.
Ndërkohë, ambasada amerikane në Birmani ka bërë një paralajmërim.
“Ka indikacione të lëvizjeve ushtarake në Yangon dhe mundësinë e ndërprerjeve të telekomunikacionit gjatë natës midis orës 01:00 të mëngjesit dhe 9:00 të mëngjesit. Qytetarët e SHBA-së në Birmani këshillohen të qëndrojnë në banesë gjatë ndalimit të orarit i cili shkon nga ora 8 deri në 4 të mëngjesit”, thuhet në profilin e ambasadës në Twitter .
Ambasadorët në Birmani të SHBA-së, Kanadasë, Bashkimit Europian dhe Mbretërisë së Bashkuar e u bëjnë thirrje forcave të sigurimit në Burma që të mos përdorin dhunë ndaj demonstruesve që kanë protestuar kundër grushtit të shtetit për nëntë ditë.
“Ne dënojmë arrestimet e liderëve politikë, aktivistëve dhe civilëve, si dhe kërcënimet ndaj gazetarëve”, shtojnë ata./abcnews.al
