Sasi të mëdha droge janë gjetur në shtëpinë e një shqiptari në Selanik.
Sipas policisë helene në shtëpinë e shqiptarit janë gjetur 23 kilogramë kanabis, 1.2 kilogramë kokainë dhe një sasi prej 16 mijë eurosh.
Droga e gjetur në banesën e shqiptarit ka të stampuar logon e NBA.
Mësohet se ditën e djeshme, për arsye të paditura shqiptari në gjendje jo të mirë psikologjike ka qëlluar me armë zjarri në apartamentin e tij, duke terrorizuar banorët e pallatit.
Protothema.gr raporton se në momentin e të shtënave në banesën e shqiptarit ndodheshin 2 fëmijët e tij 6 dhe 13 vjeç dhe një tjetër i mitur 17 vjeç.
Fëmijët nuk janë lënduar nga të shtënat, ndërsa mësohet se aktualisht ndodhen në shtëpinë e gjyshes.
Ishin pikërisht të shtënat me armë zjarri, arsyeja që policia shkoi në lagjen e shqiptarit dhe kontrolloi apartamentin, ku gjeti lëndët narkotike dhe paratë.
Pas një ndjekjeje nga policia e Selanikut, shqiptari është arrestuat në Dherven.
Ndërkohë në pranga ka rënë dhe vëllai i shqiptarit, një 29-vjeçar, me precedentë në trafikun e drogës, i cili mendohet se ka gisht në trafikimin e lëndëve narkotike që u gjetën në shtëpinë e 32-vjeçarit.
Policia greke dyshon se lëndët narkotike që u gjetën në banesën e shqiptarit kanë të bëjnë me të një kartel droge, që u kap ne ishullin e Zakynthos në vitin 2020, pasi droga ka të njëjtën logo “NBA”.
Po me këtë stemë në fillim prilli u kapën në Athinë mbi 10 kg kokainë dhe u arrestuan 3 shqiptarë dhe 1 grek.
Gjithashtu mësohet se bashkëshortja e 32-vjeçarit ndodhet në spital për të lindur.
Ndaj emigrantëve shqiptarë është ngritur një padi për posedim droge , armëmbajtje pa leje, drejtim të rrezikshëm dhe dëmtim të pasurisë së huaj.
/abcnews.al/
