Kandidati i PS Xhemal Qefalia i ftuar në “News Line” në ABC News, përveçse u ndal tek kandidinimi i tij në listë të hapur për qarkun e Tiranës në zgjedhjet e 11 Majit. Foli dhe sa i takon raportit të Shqipërisë me Aleancën Paqeruajtëse, NATO.
Shqipëria sot feston 16 vjetorin e anëtarësimit në NATO, prandaj Qefalia tha se bashkëpunimi do të jetë i mëtejshëm në fushën e ushtrisë. Ai e cilësoi si krenari kombëtare fakti që ushtarët tanë shqiptarë në mënyrë dinjitoze qëndrojë krah atyre të NATO-s.
Nuk la pa përmendur dhe bazën e NATO-s në Kuçovë, e cila sipas tij më parë ishte një vend me ferra e shkurre, kurse sot një bazë ushtarake mjaft e rëndësishme jo vetëm për Shqipërinë, por dhe për vetë NATO-n.
Qefalia tha se tashmë buxheti në ushtri është dyfishuar, duke synuar krah ushtrisë shqiptare dhe prodhimet “Made in Albania”.
“Forcat e armatosura shqiptare janë forcat më dinjitoze krah atyre të NATO-s. Bashkëpunimi me NATO vazhdon dhe nuk është se do të ndërpritet këtu. Baza e NATO-s në Kuçovë që ishte vetëm një bazë me ferra e shkurre, tani është një bazë ushtarake me vlera jo vetëm për Shqipërinë, por edhe për NATO-n. Ushtarët shqiptarë janë krah ushtarëve të NATO-s, gjë që është një krenari kombëtare, ushtarakë nuk janë vetëm të Partisë Socialiste. Është parë që buxheti për mbrojtjen ka qenë 28 milionë, kurse tani është dyfishuar. Nuk na intereson që Shqipëria të ketë vetëm ushtrinë, por dhe prodhimet e saj “Made in Albania”. Pse të mos kemi dhe fishekët tanë”, tha Qefalia./abcnews.al
