Ishte 29 prilli 2011 kur Princi William dhe Kate Middleton u bënë çift para Zotit dhe shumë njerëzve, pasi ceremonia e tyre e martesës u transmetua në televizion nga shumica e rrjeteve në mbarë botën dhe thuhet se është ndjekur nga mbi 2 miliardë njerëz.
Sot, 11 vjet dhe tre fëmijë më vonë, ata mbeten së bashku dhe të lumtur dhe pavarësisht vështirësive i qëndrojnë besnikë Kurorës.
Por kthehemi në ditën kur Kate Middleton u martua me princin e saj dhe u bë Katerina, dukesha e Kembrixhit.
Martesa e William dhe Kate hyri në histori për paratë që shpenzuan. Çifti mbretëror nuk janë penduar për paratë dhe në total thuhet se për dasmën e tyre janë shpenzuar rreth 30 milionë euro. Vetëm lulet kushtojnë 700 mijë euro, dy tortat arritën në 70 mijë euro, ndërsa fustani i nusërisë së Kate me firmën e Alexander McQueen kushtoi pak më shumë se 400 mijë euro.
Një tjetër detaj që u theksua për këtë dasmë ishte se të sapomartuarit, më pas, thyen një nga traditat mbretërore për natën e parë të dasmës. Sipas kësaj tradite, të sapomartuarit largohen menjëherë pas ceremonisë së muajit të mjaltit, por Kate dhe William kaluan natën e tyre të parë si burrë e grua në Pallatin Buckingham (të dytën, të tretën dhe të nëntën, domethënë pasi u nisën për në muajin e mjaltit 10 ditë më vonë).
Kjo padyshim nuk është një çështje protokolli dhe për këtë arsye nuk është komentuar ndonjëherë publikisht./abcnews.al
