Shishtaveci, atje ku të rinjtë emigrantë kthehen për t’u dëfryer

16:27 | 28/07/2019

Në Shishtavec të rinjtë që kanë emigruar kthehen për të bërë dasma dhe për ta kujtuar vendlindjen e tyre. ABC News organizoi një reportazh në fshatin turistik të Kukësit.

Mëngjeset verore nisin me curlet e daulleve të dasmave në Shishtavec, njërën prej zonave turistike të Kukëit. Pothuajse të gjithë djemtë e zonës janë në emigrim dhe pushimet e verës i shfrytëzojnë për dasmat.

Demiri është njëri prej të rinjve që jeton prej vitesh në Itali e Angli. Nusen e ka italiane dhe dasmën e parë e ka bërë në Itali. Është kthyer në Shishtavec për dasmen tradicionale.

I ati i tij Gëzimi, 9 vite në Angli thotë se nuk do e lënë traditën, ndaj kthehen në fshat për të përcjellë edhe promovimin e turizmit. E në fakt e gjithë panorama e zonës është shumë joshëse për turistët. Të parët turistë janë motoristë të ardhur nga Gjermania e që janë mahnitur nga kjo zonë.

Madhështia e Grykës së Vanave e rrethuar nga shkëmbinjtë e thepisur janë unike. Më tej gjarpëron rruga e asfaltuar përbri lumit Luma në krye të teëcilit ndodhet dhe një ujëvarë.

Vendasit po përpiqen të shfrytëzojnë për mire remitancat e emigrantëve. Lokali i parë në përfundim e sipër është i Ismet Toçillës. Po ndërton restorantin e hotelin. Nusja e shtëpisë po thyen edhe mentalitetin e zonës për të shërbyer e menaxhuar, ndërsa Ismeti e bashkëshortja thonë se turistët pritet të jenë më të shumtë në këtë zonë që e ka bekuar vetë natyra.

Mes mështeknave të bardha, druri unik në vend, ndodhet dhe stani i Hoxhës, një kompleks prej guri e që duket se ka turistë, ndërsa Servet Gërmizi, edhe pse shtëpinë e ka në det, vjen çdo vit e pushon në bjeshket e Novosejt 1400 metër. Nuk e ndërron me asgjë këtë vend.

Kësaj zone tashmë i mungon paksa promocioni. Pak nga pak po futet në guidat turistike, por rolin më të madh po e luajnë vetë djemtë e zonës, që jetojnë e punojnë në Perëndim, por nuk harrojnë të kthehen në vendlindje. /ABC news Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono