Sarri: Interi në rritje dhe i rrezikshëm, s’i kam problem reagimet e lojtarëve

14:32 | 05/10/201914:320

Juventusi është gati për ndeshjen me Interin. Maurizio Sarri po e pret me kënaqësi këtë sfidë, që do të ndiqet nga e gjitha bota. Trajneri i Juventusit vlerëson kundërshtarin dhe homologun Conte në konferencën për shtyp, nuk zbulon gjë nga formacioni dhe kërkon nga ekipi që të konfirmojë përmirësimet e ndeshjes së fundit në Champions përballë Leverkusen.

INTERI – “Janë një skuadër e fortë dhe solide. Do e kemi të vështirë të luajmë kundër tyre, pasi janë shumë të rrezikshëm. Ata janë në rritje dhe e treguan edhe në ndeshjen e fundit. Nuk mund të flasim për favoritë, bëhet fjalë për dy skuadra të forta. Jam i lumtur të shkoj në një stadium të madh për të luajtur një ndeshje që ndiqet nga gjithë bota.”

FORMACIONI – “Unë vendos dhe bëj zgjedhjet e mia. Kur një lojtar që ka luajtur mirë mbetet jashtë, atëherë është e drejtë që të mërzitet. Unë e quaj pozitive diçka të tillë dhe jo negative. Do të vendos formacionin pas stërvitjes së fundit. Nuk duhet të shqetësohem nga reagimet e lojtarëve, nuk e kam problem diçka të tillë.”

CONTE – “Antonio është një trajner i madh, titujt dhe fitoret e tij flasin vetë. Po i tregon edhe tek Interi vlerat e tij. Nesër nuk do të jetë një ndeshje Sarri kundër Contes, por një përballje e bukur midis Interit dhe Juventusit.”

EKIPI – “Kemi bërë disa ndryshime në lojtarë dhe mënyrën e lojës. Duhet të konfirmojmë hapat para që kemi hedhur dhe duhet të jemi të përqendruar. Kemi kundërshtarë të fortë këtë sezon.”

SARRI – “Mua më pëlqejnë skuadrat që kanë një stil loje dhe ecin përpara në atë mënyrë. Aftësia për të bërë sa më pak gabime tregon shumë për cilësitë e një trajneri.” /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono