Malota dhe Sherri ndalin Tiranën, nuk ka fitues në kryeqytet

19:53 | 08/11/201919:530

Është mbyllur takimi mes Tiranës dhe Vllaznisë në “Selman Stermasi”, me rezultatin e bardhë, 0-0. Të dyja skuadrat patën shanset e tyre, por traversa dhe forma e mirë e dy portierëve bënë që goli të mungojë.

Në minutën e 21-të, Hygor mori një top në hyrje të zonës dhe e kontrolloi në mënyrë të shkëlqyer. Pasi u fut drejt qendrës, futbollisti i Vllaznisë gjuajti me të majtën, duke tronditur traversën e Tiranës.

Tirana fitoi një goditje dënimi në një pozicion të rrezikshëm në minutën e 24-ët dhe Batha mori përsipër ekzekutimin e saj. Mesfushori bardheblu gjeti trekëndëshin e portës, por u ndal nga një fluturim i Sherrit, i cili e çoi topin në goditje nga këndi. Pjesa e parë u mbyll me rezultatin 0-0.

Në të dytën, nuk munguan sërish rastet. Të dyja skuadrat tentuan të gjenin golin e avantazhit, ndërsa Ngoo pati rastin më të mirë në minutën e 76-të. Megjithatë, goli mungoi, pavarësisht tentativave të shumta dhe lëvizjeve të trajnerëve. Në sekondat e fundit, Dunga mendoi se shënoi me portën e boshatisur, por Malota bëhet heroi i Vllaznisë, duke larguar topin nga vija fatale. Me këtë rezultat, dy skuadrat ndanë nga një pikë./abcnews.al

KATEGORIA SUPERIORE
E premte, 8 nëntor 2019 (18:00)

TIRANA – VLLAZNIA   0-0

Tirana: Lika, Vangjeli, Osmani, Imami, Ismajlgeci (Dunga 76′), Çelhaka (Hasani 62′), Halili, Batha, Cobinnah, Cale (Doka 84′), Ngoo. Trajner: J. Ahmataj

Vllaznia: Sherri, Gurishta, Malota, Marku, Krymi, Ramadani, Hygor, Lika (Shtubina 72′), Sinho, Maranhao (Kruja 68′). Trajner: M. Jonuz

Kartonë të verdhë: Batha 64′ / Gurishta 74′, Hygor 83′

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono