trajneri

Henry.png
Veronik Istrefaj20:49 | 18/11/2019

Ish sulmuesi i Arsenalit, Thierry Henry, foli për aventurën e tij të re te Montreal. Legjenda franceze tha se ai dëshironte të harronte atë “dështim” te Monaco, duke u bërë trajner i Montreal Impact.

Monaco shkarkoi 42-vjeçarin në janar, pasi Henry fitoi vetëm pesë nga 20 ndeshjet në krye të pankinës. “Kur bie, duhet të mësosh si të ngrihesh”, tha fillimisht Henry. “Ju mësoni më shumë veten tuaj në situata të vështira.

Forca dhe dëshira për t’u rikthyer gjithmonë e për t’i provuar të tjerët gabim ka qenë historia e jetës sime. I vetmi gabim që mund të bëja ishte të mos mësoja nga ajo që ndodhi”. Henry nënshkroi një marrëveshje dy-vjeçare me skuadrën e MLS./abcnews.al

Challandes-2-1280x954.png
Veronik Istrefaj19:39 | 18/11/2019

Trajneri i Kosovës, Bernard Challandes, ishte i ftuar në Klan Kosova pas ndeshjes kundër Anglisë. Tekniku zviceran tregoi bisedën me homologun anglez, Gareth Southgate, si dhe kishte elozhe të shumta për bomberin e skuadrës, Vedat Muriqi.

Nuk isha shumë i kënaqur sepse anglezët kishin shumë përkrahje, në fushë nuk i kemi pasur miq. Pas ndeshjes i thashë trajnerit anglez, ne ju presim si heronj dhe ju na jepni katër gola.

“Anglezët ishin të befasuar me njerëzit këtu në Kosovë, për futbollin dhe për mikpritjen që bënë kosovarët”

“Vedat Muriqi është lojtar cilësor, për mua është numër një. Por, ne e kemi pasur Atdhe Nuhiun, që shënoi një gol në Çeki. Gjithashtu e kemi pasur edhe mungesën e Zenelit, që ka qenë lojtar i shkëlqyer”.

“Ne do të duhet të luajmë edhe me lojtarë të tjerë. Mund të jetë e rëndësishme që numrat 13, 14 dhe 15 të luajnë mirë sepse mund të kemi edhe dëmtime tjera. Natyrisht, Vedati ishte i rëndësishëm për ne në këto dy ndeshje. Nuk e di se çfarë do të ndodhte nëse Muriqi do të luante në dy ndeshjet e fundit”./abcnews.al

South.jpg
Veronik Istrefaj21:03 | 17/11/2019

Trajneri i Anglisë, Gareth Southgate, foli pas ndeshjes me Kosovën, ku tha se skuadra e tij lejoi shumë hapësira dhe ka disa probleme për t’u analizuar. Edhe pse triumfoi 0-4, Southgate pati kritika ndaj të tijve.

“Ne duhej t’i rezistonim presionit të Kosovës, u dhamë atyre disa shanse në pjesën e parë, që në në një ndeshje tjetër, mund të ndëshkoheshim, por në fund kundërsulmi ynë ishte absolutisht i pamëshirshëm.

“Ne kemi dalë nga ky grup më të fortë se sa kemi qenë kur e kemi filluar. Unë nuk mund t’i fajësoj lojtarët që kanë shënuar një numër të madh golash. Unë mendoj se Alex (Chamberlain) sot ishte një plus i madh për ne në mesfushë.

Aftësia e tij për të marrë topin nën presion dhe për të ruajtur qetësinë e ndihmoi skuadrën. Kemi pësuar shumë raste në këto ndeshje kualifikuese dhe ky është një problem që do të analizohet”, përfundoi Southgate./abcnews.al

Challandes.jpg
Veronik Istrefaj20:08 | 17/11/2019

Trajneri i Kosvës, Bernard Challandes, foli menjëherë pas ndeshjes kundër Anglisë, të cilën skuadra e tij e humbi me rezultatin 0-4. Në fjalën e tij, strategu i “Dardanëve” tha:

“Jam shumë i zhgënjyer me rezultatin në fund, kemi luajtur futboll në pjesën e parë, me një aksion ata shënuan një gol, ju kemi dhënë shumë raste atyre, kishim disa mundësi, por nuk shënuam. Normale që nuk jam i lumtur, por mund të nxjerrim diçka nga ky takim.

“Nuk është e lehtë, kam parë shumë gjëra të mira sot, por rezultati në fund nuk më pëlqen, por unë dua ta mbajë momentin e mirë në ekip, sepse kemi luajtur futboll dhe kemi parë nivel të lartë të efikasitetit të Anglisë, ku me një aksion shënuan gol dhe nëse ju jep raste atëherë ata të ndëshkojnë”.

“Jam i zhgënjyer, por mund të nxjerrim të mira nga kjo lojë. Dreshevic është pasqyra e skuadrës sot. Ai ka pasur një ndeshje të mirë, por ka bërë edhe gabime të mëdha. Në fund ndoshta ishim edhe pak të lodhur. Sot mbrojtja na la keq, pasi nuk duhej të bënim gabime si këto sot në fushë, por skuadra luajti mirë. Anglia kur ka raste edhe i realizon nganjëherë godet edhe shtyllën por duhet të marrim edhe gjëra pozitive pasi kemi mësuar edhe shumë gjëra nga këto kualifikime”, tha Challandes. /abcnews.al

DE-Biasi.png
Veronik Istrefaj16:31 | 17/11/2019

Ish-trajneri i kombëtares shqiptare të futbollit, Gianni De Biasi, është i vetmi strateg kuqezi që e ka mposhtur Francën. Në “Elbasan Arena”, kuqezinjtë tanë triumfuan 1-0 përballë kampionëve të botës, falë atij supergoli të Ergys Kaçe nga goditja e dënimit.

De Biasi ka dhënë një intervistë për Panorama Sport, aty ku ka komentuar për ecurinë e Shqipërisë në këto kualifikuese, si dhe rikujtoi atë fitore ndaj “Gjelave”.

“Skuadra ka bërë një fazë kualifikuesesh të mirë. Për fat të keq, e ka paguar shumë atë humbje në minutat e fundit kundër Turqisë. Pastaj ndeshja me Andorrën i heq dy pikë në klasifikim.

Patjetër që e kujtoj shumë mirë fitoren në Elbasan. Ka qenë një ndeshje e mirë e skuadrës. Po edhe një gol shumë i bukur i Kaçes. Megjithatë, kujtoj më shumë humbjen në Europian.

Franca është një nga skuadrat më të forta në nivel botëror. Nuk e di se me çfarë fryme do të vijnë në Tiranë, por duhet gabuar sa më pak të jetë e mundur”, përfundoi De Biasi./abcnews.al

Reja-1.png
Veronik Istrefaj16:34 | 16/11/2019

Trajneri i Shqipërisë, Edoardo Reja, ishte i pranishëm në konferencë për shtyp para sfidës kundër kampionëve të botës, Francën. Në fjalën e tij, strategu italian tha:

TAKTIKAT – “Nuk mendoj se taktika është gjëja më e rëndëisshme në futboll. Janë futbollistët ata që e luajnë rolin dhe që vendosin fatin e një ndeshje. Prsh, Roshi është lojtar krahu dhe ne luajmë me futboll nga krahët. E kemi mënyrë tonën si luajmë dhe e dime se me këtë stil, kemi shans ndaj çdo kundërshtari. E dimë si Franca mund të na vërë në vështirësi, por dimë dhe si ta sulmojmë. Duhet të shfrytëzojmë më mirë ato pak raste që mund të krijojmë”.

DESCHAMPS – “Në radhë të parë, doja t’i bëja komplimente trajnerit Deschamp, që është kampion bote. Unë kam punuar shumë në karrierën time në klube në Itali. Kur drejton një klub, çdo javë kërkohet konferencë para medieve, që janë shumë stresuese. Kur je në kombëtare, ke kohë të studiosh dhe të qetësohesh. Fola me Deschamps kur u takuam në Francë. Më tha se ai është i kënaqur me atë që ka arritur te Franca dhe nuk është e njëjtë si kur ishte te Juventusi”.

KARRIERA – “Më vjen keq që nuk kam ardhur më përpara te Shqipëria, pasi mund të krijonim një grup më të mirë. Mund të kisha marrë rezultate më të mira. Në të ardhmen, premtoj se Shqipëria do të marrë rezultate më të mira”.

DËMTIMET – “Mungesa kemi. Mungon Cikalleshi, lojtar i rëndësishëm, Abrashi dhe Xhaka, që kanë pasur probleme muskulore. Por e kam thënë dhe herë të tjera, që kemi zgjedhje dhe alternativa shumë të vlefshme për të zëvendësuar lojtarët e dëmtuar. Ata që do të zbresin në fushën e lojës nesër, do të jenë në 100%. Franca është një ekip shumë i fortë, kampion bote, por nuk janë të pathyeshëm. Ne e kemi strategjinë tonë, planin tonë. Shpresoj që nesër ta shikoj në fushën e lojës”.

REZULTATI – “Ne futemi në fushën e lojës në çdo ndeshje për të fituar. E thamë që kundër Andorrës gabuam, pasi nuk ishim gati nga ana psikologjike. Elsi tha që duhet ta harrojmë atë ndeshje, por jo pa nxjerrë leksione. Andorra na shënoi dy gola shumë të evitueshëm, si dhe shpërdoruam shumë raste. Do të luajmë kundër Francës që nuk mbyllet në mbrojtje, gjë që na jep më shumë mundësi neve”, përfundoi Reja. /abcnews.al

Bayern-1.png
Veronik Istrefaj21:41 | 15/11/2019

Bayern Munchen ka vendosur për trajnerin e ri. Hans Flick është konfirmuar deri në fund të sezonit 2019. Ndihmës-trajneri fitoi dy ndeshjet e tij të para në krye të bavarezëve, atë ndaj Olympiacos në Champions League dhe kundër Borussia Dortmund në kampionat, me rezultatin e thellë 4-0.

Këto rezultate, kanë bërë që drejtuesit e Bayern t’i besojnë deri në fund të sezonit dhe vetëm gjatë muajve të verës, do të hidhen në sulm për të gjetur pasuesin e Kovac.

Strategu kroat u shkarkua nga stoli i kampionëve të Gjermanisë disa ditë më parë, pas humbjes së turpshme 5-1 nga Eintracht Frankfurt./abcnews.al

Challandes.jpg
Veronik Istrefaj19:20 | 13/11/2019

Trajneri i përfaqësueses së Kosovës, Bernard Challandes, ishte sot i pranishëm në konferencë për shtyp para sfidës shumë të rëndësishme përballë Çekisë. Tekniku i “Dardanëve”, në fjalën e tij, u shpreh:

“Në këtë ndeshje, nuk do të jetë më e rëndësishme sistemi se di do të luajmë, por do të jetë diçka tjetër. E pamundur të jap një përgjigje se kush do të luajë në vend të Muriqit. Nuk është puna ime të komentoj se çfarë thojnë njerëzit, trajnerët ose futbollistët e Çekisë.

Ne e dimë saktësisht kush jemi, e dimë saktësisht kush është Çekia. Ne e vlerësojmë shumë që kemi arritur deri në këtë moment, jemi në prag të një ndeshje shumë të rëndësishme, ne fokusohemi për këtë moment dhe jo për kundërshtarin. Statujë? Po, shpresoj të më ndërtohet një statujë.”, tha Challandes./abcnews.al

Sarri-Ronaldo-1280x720.jpg
Veronik Istrefaj23:43 | 10/11/2019

Trajneri i Juventusit, Mauricio Sarri, foli pas ndeshjes kundër Milanit, sfidë që skuadra e tij e fitoi me rezultatin minimal, 1-0. Në fjalën e tij, Sarri analizoi ndeshjen, si dhe foli për episodin me Cristiano Ronaldon.

“Sot ishim të gatshëm të vuanim, skuadra tregoi shpirtin e duhur. Duhet të bënim më mirë sa i takon aspektit teknik, por sakrifica që bëri skuadra sot më pëlqeu. Kemi ende punë për të bërë, skuadra ka shumë vend për përmirësim. Sot kishim dhe një ndjenjë negative, emocione që me kalimin e minutave, i lamë pas.

Ronaldo? Nuk ka asnjë problem. Në fakt, ne duhet ta falënderojmë, pasi ai sakrifikoi për skuadrën, duke luajtur i dëmtuar. Ai bëri gjithçka mundi për minutat që luajti, edhe pse nuk ishte në 100%. Nervozizmi i tij? Është diçka normale për çdo futbollist.

Të gjithë duan të luajnë sa më shumë. Sot ishte vetëm masë paraprake, në mënyrë që të mos dëmtohej, asnjë problem tjetër. Çdo trajneri, i pëlqen kur lojtarët nevrikosen, pasi e kuptojnë se ishin gati të jepnin gjithçka në fushë”, tha mes të tjerash Sarri./abcnews.al

Klopp-1-1280x720.jpg
Veronik Istrefaj21:10 | 10/11/2019

Liverpool mposhti sot me rezultatin 3-1 skuadrën e Manchester Cityt, një sfidë që mund të vendosë shumë për fatet e titullit kampion këtë sezon në Premier League. Pas ndeshjes, trajneri gjerman i Liverpool, Jurgen Klopp, nuk e fshehu aspak gëzimin e tij.

“Ndeshje e madhe, apo jo? Uau, futbolli që u pa sot ishte fantastik. Normalisht, nuk mund të fitosh kundër Manchester Cityt duke luajtur ashtu siç luajnë ata, pasi janë më të mirët në botë për atë që bëjnë. Ne bëmë lojën tonë, me krosime nga krahët dhe topa pas shpine. 20 minuta e para e bëmë këtë gjë në mënyrë të shkëlqyer, shënuam dy herë.

Më pas, kishim presionin e Cityt, por djemtë reaguan shumë mirë. U tërhoqëm disi në pjesën e dytë, ndërruam edhe skemën. Goli i dytë i yni ishte fantastik. Arnold jep 60 metra pasim te Robertson, të njëjtën gjë bën dhe Robo, më pas Salah shënon. Një nga golat më të bukur që kam parë.

Rekordi perfekt në Premier? Nuk e mendojmë aspak, deri më tani jemi në rrugën e duhur. Por nëse dikush mendon se do t’i fitojmë të gjitha ndeshjet (38), është i çmendur.

Jemi në krye, nuk ndjejmë aspak presion. Pse duhet? Nga kush? Skuadra është e qetë, vazhdojmë me këtë mënyrë të luajturi dhe për rezultatin e sotëm, jemi shumë të lumtur”, përfundoi Klopp./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono