trajneri

Edi-Martini-Teuta.jpg
Veronik Istrefaj19:32 | 21/01/2020

Trajneri i Teutës, Edi Martini, nuk e fshehu zhgënjimin pas humbjes 0-1 ndaj Laçit. Numri një i stolit durrsak tha se kundërshtari e meritonte fitoren dhe se ekipi i tij, do të nxjerrë mësime.

REZULTATI – “Patjetër, pas dy ndeshjeve, ndeshja me Laçin ishte detyrim fitorja. E dinim çfarë ekipi kishim përballë, një ekip simpatik. Jemi të zhgënjyer, por Laçi e meritoi fitoren”.

COULIBALI – “Normalisht, ishim përgatitur që Coulibali të ishte pjesë e formacionit. Edhe lojtarët që nuk ishin menduar për të luajtur, e nisën nga fillimi dhe u gjetën të papërgatitur. Normalisht, ky nuk është justifikim, por ne nxjerrim mësime, nxjerrim mësime”.

MERKATO – “Coulbali dhe Hebaj kanë ardhur sulmues. Gjithsesi, sot nuk ishin asnjëri. Të paktën Coulibali pritej në formacion, por ishte e pamundur që të federohej sot. Mendojmë se deri në fund të muajit, të kemi përmirësime dhe në reparte të tjera”.

NDËRPRERJE – “Do ishte mirë që të mos ndërpritej kampionati, pasi kishim moralin lart. Megjithatë, kjo gjë nuk është në dorën tonë dhe çfarë ka ikur, ka ikur, ne duhet të shohim përpara”.

Cungu.jpg
Veronik Istrefaj19:23 | 21/01/2020

Trajneri i Laçit, Armando Cungu, u shpreh shumë i kënaqur me të tijtë pas fitores 0-1 kundër Teutës. Menjëherë pas ndeshjes, numri një i stolit kurbinas foli për Supersport, aty ku preku shumë tema.

NDESHJA – “Është e drejtë, pas dy rezultateve aspak të pritshme në shtëpi kundër Tiranës, ekipi duhej të reagonte, pasi deri në ato momente kishim bërë një kampionat të mirë. Humbëm terren me ato humbje dhe sot ishte detyrim fitorja. Ajo që është më e rëndësishme është mënyra si e fituam ndeshjen”.

ZËVENDËSIMET – “Të them të drejtën është e vështirë të bësh dy zëvendësime shumë të shpejta. Rapo dhe Ignjatovic janë lojtarë të rëndësishme për ne. Megjithatë, dua të komplimentoj djemtë që u aktivizuan, si Gjoni, ashtu dhe Turkaj. Si rezultat i kontributit të gjithë skuadrës, fituam”.

STRESI – “Kur bën dy ndërrime, nuk është e lehtë për një trajner. Përderisa një lojtar futet titullar, i bie që është më mirë se pjesa tjetër në stol. U shtua dhe stresi për ne, pasi 70 e ca minuta lojë ishin për t’u luajtur dhe kishim vetëm një ndërrim. Çdo gjë ndodh në futboll dhe ne ishim të detyruar të bënim ndërrime. Të gjitha minutat më pas ishin stresuese. Falë djemve dhe Zotit, gjithçka shkoi mirë më pas”.

MERKATO – “Pyetja është e drejtë, normalisht duam të përmirësojmë edhe më shumë grupin. Vecaj, Greca përveçse kanë shtuar konkurrencën në ekip, më kanë dhënë mundësinë edhe të bëj ndërrime taktike. Nuk më dhëmb koka për të bërë një lëvizje. Besoj se shton forcën dhe etjen e ekipit për të shkuar edhe më para. Duhet të mendojmë për çdo ndeshje, pasi ky ekip i ka të gjitha potencialet për të qenë në Kupat e Europës. Gjendja e lojtarëve? Duhet të shohim nesër. Ignjatovic ka një problem në kavilje dhe nuk e di nëse do të jetë gati. Rapo pati një çarje në vetull dhe shpresoj të jetë i gatshëm për ndeshjen kundër Vllaznisë”./abcnews.al

jonuz.jpg
Veronik Istrefaj21:40 | 20/01/2020

Trajneri i Vllaznisë, Mirsad Jonuz, ka folur për mediet para ndeshjes kundër Flamurtarit. Numri një i stoli shkodran preku shumë tema në lidhje me këtë ndeshje dhe me ekipin e tij.

LËVIZJET – “Stërvitjet në Ohër ishin shumë të rëndësishme për ne, zhvilluam tri ndeshje, kemi larguar disa futbollistë dhe kanë ardhur tre të tjerë. Adili e Jonuz janë në formën e duhur, ndërsa Sidorenco vazhdon të punojë dhe pas 10-15 ditësh do të jetë aty ku duhet. Jam i kënaqur me pjesën tjetër të ekipit. Po punojmë fort për ndeshjen me Flamurtarin, që është shumë e rëndësishme për ne”.

AFRIME – “Me ndryshimet e ndodhura në skuadër, gjendja është më e mirë, por kam folur me drejtorin teknik e administratorin dhe po shohim mundësinë për të marrë edhe një apo dy lojtarë të tjerë, prandaj do të presim deri në fund të janarit kur mbyllet merkato. Megjithatë, kjo tani është edhe në varësi të asaj që mund të gjejmë në këto momente.

MERKATO – “Nuk mund të themi që merkato është e mbyllur. Ne po kërkojmë sërish, që të bëjmë edhe një apo dy afrime të tjera”.

KALENDARI – “Tri ndeshjet e para që luajmë në shtëpi, janë shumë të rëndësishme për ne dhe do të tentojmë t’i kalojmë me sukses. Megjithatë, vëmendja kryesore është e përqendruar te sfida me Flamurtarin, që duhet ta fitojmë patjetër. Ne jemi të bindur për të arritur te një gjë e tillë dhe për ta mbyllur mirë xhiron e dytë të sezonit”.

FORCA E SUPERIORES – “Po, shumë e fortë. Me përjashtim të dy ekipeve, që patën edhe probleme për sa i përket mos-bërjes së merkatos dhe për këtë e thashë që duhet ta fillojmë mbarë me Flamurtarin. Me shortin që kemi në këtë start të këtij viti mund të kemi mundësi të mira për të qenë në luftë për një vend në Kupat e Europës”./abcnews.al

Arteta-Pepe.jpg
Veronik Istrefaj21:48 | 18/01/2020

Trajneri i Arsenalit, Mikel Arteta, foli menjëherë pas barazimit 1-1 kundër Sheffield United. “Topçinjtë” e tij e dominuan takimin dhe udhëhoqën për shumë minuta me rezultatin 1-0, ndërsa Sheffield barazoi në fund me anë të Fleck.

Kur rezultati ishte 1-0 në favor të Arsenalit, Pepe u pengua brenda zonës dhe pretendoi për penallti, e cila nuk u dha nga arbitri Mike Dean, por as nuk u kontrollua me VAR. Për këtë episod dhe mbarëvajtjen e takimit, Arteta tha: “Jam shumë i zhgënjyer. Mendoj se kemi lënë dy pikë.

Dominuam shumicën e takimit dhe kishim në kontroll kundërshtarin. Ata dolën vetëm një herë në sulm në pjesën e dytë, edhe ajo me top të gjatë. Humbëm duelin e parë ajror dhe më pas ishim të tërhequr. Ata shënuan me një gjuajtje me devijim dhe kjo ishte diçka që nuk e kishim në dorë.

Rasti i dyshimtë i Pepe? Mendoj se ishte e qartë. Nuk kam çfarë them tjetër. Nëse do të kemi VAR në këtë kampionat, atëherë t’i kontrollojë të gjitha rastet, jo vetëm disa prej tyre. Ky është problemi i vetëm”, tha mes të tjerash strategu i Arsenalit.

Guardiola-2.jpg
Veronik Istrefaj19:04 | 18/01/2020

Trajneri i Manchester Cityt, Pep Guardiola, foli për mediet britanike pas barazimit 2-2 kundër Crystal Palace. Strategu spanjoll nuk e fshehu zhgënjimin e tij, por pranoi se ky është futbolli dhe të tre rezultatet janë të pranishme.

“Ne u përpoqëm të bënim gjithçka për të fituar. Fryma ishte aty. Ne u përpoqëm dhe u përpoqëm. E përmbysëm rezultatin, por prapë kemi lënë pikë. Ky është futbolli.

Ne kemi luajtur me të njëjtën mënyrë si kemi bërë në “VillaPark” kundër Aston Villas, me Benjamin Mendy duke sulmuar nga e majta dhe lojtarët e tjerë në qendër.

Vuajtëm pak në 10 minutat e para të pjesës së dytë, por pastaj mendoj se bëmë gjithçka siç duhet. Crystal Palace nuk bëri shumë, por arritën të merrnin një pikë”, tha mes të tjerash strategu spanjoll./abcnews.al

Ilir-Daja-Skenderbeu.jpg
Veronik Istrefaj19:12 | 15/01/2020

Trajneri i Skënderbeut, Ilir Daja, foli pas fitores 4-1 kundër Teutës në miqësore. Në fjalën e tij, numri një i stolit korçar pranoi se kjo ishte thjesht një ndeshje miqësore, por i pëlqyen shumë gjëra nga ata që futbollistët e tij treguan në fushën e lojës.

“Në ndeshjet miqësore, nuk është element kryesor rezultati, pavarësisht se sot kishim përballë një ekip që ka bërë shumë mirë në gjysmën e parë të kampionatit. Ajo që më kënaqi më shumë ishte lëvizshmëria dhe loja në grup e ekipit. Gjithashtu, edhe forma e mirë e lojtarëve, për të qenë gati për të startuar që në javën e parë të rifillimit të kampionatit.

Elementi i dytë që ishte pozitiv, ishte që disa lojtarë të rinj, sidomos Elezi, që është vetëm 18 vjeç dhe ishte pjesë e formacionit bazë, ka bërë një paraqitje shumë të mirë në të gjitha ndeshjet miqësore që kemi luajtur. Edhe në pjesën e dytë, disa lojtarë të tjerë bënë paraqitje të mirë.

Jemi gati si të gjithë ekipet e tjera, kemi qenë dhe do të jemi deri në fund të merkatos prezentë, për të plotësuar ato mangësi që kemi. Shpresojmë ta mbajmë këtë kontingjent që kemi dhe shpresojmë që në ndeshjen e parë kundër Partizanit, të prezantohemi mirë para tifozëve tanë në Korçë”./abcnews.al

Barcelona-Messi.png
Igli Nikolli22:30 | 13/01/2020

Shkarkimi i Ernesto Valverdes është çështje kohe dhe mungon vetëm zyrtarizimi. Barcelona vendosi të bëjë ndryshime në stol pas humbjes kundër Atletico Madrid në gjysmëfinalen e Superkupës së Spanjës.

I përzgjedhuri për stolin është Quique Setien, ish-trajneri i Betis. Klubi katalanas nuk njihet për shkarkime trajnerësh gjatë zhvillimit të sezonit. Diçka e tillë nuk ndodhte prej 17 vitesh. I fundit që kishte një fat të tillë ishte Louis Van Gaal.

Ishte 26 janari i vitit 2003 kur Barcelona vendosi të largonte nga stoli holandezin e njohur për t’ia besuar drejtimin e ekipit trajnerit serb, Radomic Antic. /abcnews.al

 

Van Gaal dhe Andres Iniesta
Valverde.jpg
Igli Nikolli20:40 | 13/01/2020

Barcelona ka vendosur të shkarkojë Ernesto Valverden dhe ia ka komunikuar diçka të tillë trajnerit. Radio Catalunya raportoi se agjentët e 55-vjeçarit janë thirrur në zyrat e klubit për të gjetur një akord në lidhje me largimin.

Xavi mbetet dëshira e madhe kandidati kryesor për pankinën katalanase, por ish-kapiteni do të mbyllë aventurën me Al Sadd për t’u rikthyer në fund të sezonit në shtëpi. Në kushte të tilla po punohet për të gjetur një trajner të përkohshëm.

L’Equipe raporton se Barcelona ka zgjedhur trajnerin e ri dhe ai është Quique Setien. Gazetari i francezes së njohur, Florent Torchut tregon se nesër do të mbahet një konferencë për shtyp e presidentit Bartomeu dhe Eric Abidal, drejtori sportiv të klubit, aty ku do të flitet mbi ndryshimet në stol.

Emri i Setien qarkulloi edhe janarin e kaluar për pankinën e Barcelonës, teksa së fundmi ka drejtuar Betis. Përveç ekipit andaluzian, 61-vjeçari spanjoll ka qenë trajner i klubeve të vogla si Las Palmas dhe Lugo. /abcnews.al

 

Quique Setien

Simeone.jpg
Veronik Istrefaj23:59 | 12/01/2020

Trajneri i Atletico Madrid, Diego Simeone, nuk e ka fshehur zhgënjimin e tij për mënyrën si shkoi ndeshja përballë Real Madrid, finalja e Superkupës së Spanjës. Atletico u mposht pas gjuajtjeve të penalltive.

Simeone tha se kartoni i kuq i Valverdes, i cili ndaloi Moratan të dilte i vetëm përballë portierit, ishte momenti i ndeshjes: “Kartoni i kuq? Gjëja më e mirë që Valverde bëri gjatë gjithë takimit.

Ai është një djalë i ri dhe erdhi për të folur me mua pas ndeshjes. I thashë që nuk ka problem, çdokush do ta bënte. Normalisht, ai ishte një episod që vendosi takimin. Nga pika e bardhë e penalltisë, nuk mund të gjykohemi. Unë nuk kam humbur asnjë finale në 90 minuta dhe për këtë gjë jam shumë krenar”, tha mes të tjerash Simeone./abcnews.al

Zidane-Valverde.jpg
Veronik Istrefaj23:41 | 12/01/2020

Trajneri i Real Madrid, Zinedine Zidane, ka folur menjëherë pas fitores së Superkupës së Spanjës, ku tha se fitimi i trofeve është në ADN-në e Real Madrid, si dhe fakti që ekipi galaktik nuk dorëzohet asnjëherë.

“Kjo është ADN-ja e Real Madrid, ne nuk dorëzohemi asnjëherë dhe luftojmë deri në minutat e fundit. Courtois bëri një ndeshje fantastike, kur erdhi momenti te penalltitë, nuk ishte aspak e lehtë për të, duke e ditur të gjithë situatën e tij që nga ardhja këtu.

Por ai bëri një paraqitje të shkëlqyer. Valverde është një lojtar i ri dhe po ashtu bëri një paraqitje shumë të mirë. Ai me meritë u shpall dhe lojtari më i mirë i këtij kompeticioni. Ai është e tashmja dhe e ardhmja e Real Madrid”, përfundoi strategu francez./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono