gjonaj

Ministria e Drejtësisë ka reaguar nëpërmjet një njoftimi për media në lidhje me informacionet për dhënie leje shpërblyese për të burgosur në të gjitha IEVP të vendit. Ministria sqaron se që prej datës 7 Qershor është vendosur pezullimi i të gjithë lejeve shpërblyese deri në urdhër të dytë.

Ministrja Gjonaj ka zhvilluar sot një mbledhje me dyer të mbyllura, në IEVP Fier. Dy çështjet kryesore kanë qenë, masat e sigurisë dhe çështja e publikuar tek emisioni Stop.

Njoftimi i plotë i Ministrisë së Drejtësisë:

Duke marrë shkas nga lajmi i publikuar ditën e djeshme në emisionin Stop (TV Klan), se në IEVP Fier janë dhënë më datë 20.06.2019 leje shpërblyese për 40 të burgosur, çmojmë të nevojshme të përgënjeshtrojmë këtë lajm dhe të informojmë publikun se asgjë nga sa është publikuar në lidhje me lejimin e 40 të burgosurve të dalin me leje shpërblyese, nuk është i vërtetë.

Për të parandaluar fenomene të së kaluarës, me urdhër të Drejtorit të Përgjithshëm të Burgjeve (më datë 07.06.2019, nr. 5211) është vendosur pezullimi i të gjitha lejeve shpërblyese për të gjithë të dënuarit. deri në një urdhër të dytë.

Duke vlerësuar maksimalisht rastin e denoncuar nga emisioni Stop, sot në datë 21 Qershor, Ministria e Drejtësisë me të gjitha strukturat e saj SHKBB dhe ato të Drejtorisë së Përgjithshme të Burgjeve kanë kryer hetime dhe verifikime dhe nuk rezulton asnjë i dënuar me leje shpërblyese, jo vetëm për IEVP Fier por në të gjithë IEVP-të në vend.

Bazuar në urdhrin e Ministrit të Drejtësisë dhe planit të masave të Drejtorit të Përgjithshëm, si pasojë e zbatimit të regjimit të posaçëm të të dënuarve dhe të paraburgosurve, janë marrë masa shtesë për sigurinë në sistemin penitenciar. /abcnews.al

Mbështetje nga eurodeputetët për hapjen e negociatave Ministri i Brendshëm Sandër Lleshaj dhe Ministrja e Drejtësisë Etilda Gjonaj morën pjesë në një veprimtari kushtuar integrimit europian të Shqipërisë, e cila u zhvillua në Parlamentin Europian, nën kujdesin e grupit parlamentar të Aleancës Progresive të Socialistëve dhe Demokratëve (S&D) në PE.

Veprimtaria u moderua nga eurodeputeti Knut Fleckenstein dhe në të morën pjesë deputetë të Parlamentit Europian, përfaqësues të trupit diplomatik të akredituar në Bruksel, përfaqësues të agjencive të ndryshme europiane, studentë etj. Ministrat Lleshaj dhe Gjonaj prezantuan progresin e Shqipërisë në procesin e integrimit europian, me fokus luftën kundër krimit te organizuar dhe korrupsionit, frenimin e migracionit të paligjshëm si dhe reformën në drejtësi.

Në pyetjet dhe diskutimet e pjesëmarrësve u evidentua dhe u vlerësua progresi i dukshëm i bërë nga Shqipëria si dhe u shpreh mbështetje pa ekuivoke për hapjen e negociatave të anëtarësimit të saj, sipas rekomandimit të Komisionit Europian. Pas veprimtarisë në Parlamentin Europian, ministrat Lleshaj dhe Gjonaj iu përgjigjën pyetjeve të gazetarëve gjatë një konference të përbashkët për mediat./abcnews.al

GJONAJ-ME-HOMOLOGEN-NE-FRANCE.mpg_snapshot_00.08-1280x720.jpg

Reforma në drejtësi është e thellë dhe kërkon vullnet politik. Përgëzimet për çfarë është arritur deri më tani në sistemin e drejtësisë ministrja e drejtësisë Etilda Gjonaj i ka marrë nga homologia e saj franceze Nicole Belloubet.

Që reforma në drejtësi të realizohet kërkohet vullneti politik. Është ministrja e drejtësisë franceze që e dha këtë mesazh pasi takoi homologen e saj shqiptare.

“Sapo pata një taim me ministren e drejtësisë Etilda Gjonaj. Më informoi për reformën në drejtësi e cila është e thellë dhe e gjerë për të cilën duhet vullnet politik të cilin ne e përshëndesim”.

Të dyja ministret theksuan rëndësinë e vazhdimësisë të bashkëpunimit mes Shqipërisë e Francës.

E shoqëruar edhe nga Kreu i Këshillit të Lartë të Prokurorisë, Gent Ibrahimi dhe anëtari i këshillit të lartë Gjyqësor Erjon Muharremaj, ministrja e drejtësië Etilda Gjonaj mori konfirmin e homologes franceze për firmosjen në Tiranë të një Memorandumi për Forcimin e Bashkëpunimit në fushën e Drejtësisë për të Miturit dhe ofroi mbështetjen e qeverisë franceze në ngritjen e Qendrës së Ekselencës, sipas modelit francez, për formimin profesional në këtë fushë.

Një tjetër çështje për të cilën dy homologet u dakordësuan për të thelluar bashkëpunimin është ndryshimet në legjislacionin e Kodit Civil shqiptar. /ABC News Albania 24/7

GJONAJ-TAKOHET-ME-MOSES-_ABC_M3-T2.mpg_snapshot_00.17-1280x720.jpg

Lufta kundër korrupsioni dhe krimit të organizuar si edhe situata e rënduar politke në vend ishin në fokus të zyrtarit të lartë Austriak gjatë takimit të zhvilluar në Tiranë me ministren e Drejtësisë, Etilda Gjonaj. Sipas Josef Moser Shqipëria ka bëra hapa konkretë në Reformën në Drejtësi, ndërsa bëri apel që politika të jetë më e fokusuar në të mirë të vendit.

Për situatën politike në vend në një kohë kur opozita ka braktisur parlamentin ka folur edhe ministri Federal i Çështjeve Kushtetuese në Austri, Josef Moser.

Gjatë takimit me ministren e Drejtësisë, Etilda Gjonaj, Moser i bëri apel politikës Shqiptare, që të kenë në vemëndje të saj shtatasit e tyre dhe të fokusohen në të mirë të vendit.

“Pikëpamjet e ndryshme të politikanëve duhet të fokusohen në të mirën e vendit dhe të mos jenë thjesht mendime të diferencuara politike të cilat vështirësojnë situaten e vendit. Prandaj unë do bëj apel që përpjekjet e përbashkëta që janë bërë deri më tani për ta çuar vendin përpara dhe që janë të parashikuara në një vend demokratik të vazhdojnë dhe të jenë në qëndër të bisedimeve diplomatike dhe parlamentare. Në këtë mënyrë të funksionojnë në të mirë të vendit dhe të shtetasve të tij”.

Zyrtarin i lartë Austriak theksoi se, Shqipëria ka bërë hapa përpara sidomos në refomën në Drejtësi.

“Shqipëria i ka tejkaluar pritshmëritë për sa i përket fushës së drejtësisë. Ajo ka ndërmarrë hapa të besueshme dhe konkrete në luftën kundër korrupsionit dhe në Reformimin e Sistemit të Drejtësisë, duke krijuar një sistem drejtësie më të pavarur dhe duke minimizuar ndikimin që ka politika mbi të. Janë ndërmarrë hapa të cilat janë shumë të rëndësishme për integrimin, hapa të cilat duhet të njihen pavarësisht se kush i ka ndërmarrë, qeveria apo opozita. Unë do të mbeten mbështetës i fortë i këtyre hapave dhe masave të ndërmarra për faktin sepse janë hapa të domosdoshme për forcimin e të drejtës ligjore”.

Sfidë për qeverinë mbetet lufta kundër krimit dhe korrupsionit, pohoi ministrja e Drejtësisë Gjonaj.

“Jemi të vetëdijshëm që korrupsioni nuk luftohet në një ditë, por jemi duke ndërmarr cdo ditë masat e duhura për forcimin e politikave parandaluese ndaj fenomenit të korrupsionit, kemi ngritur mekanizmat e duhura për adresimin dhe masat ndëshkuese ndaj tij dhe kemi rezultate konkrete të cilat do të vijnë duke u thelluar.Unë jam besimplotë se nëpërmjet forcimit të shtetit të së drejtës, me reformën në drejtësi, luftën kundër korrupsionit dhe krimit të organizuar do t’ju japim qytetarëve tanë mundësinë jo vetëm për të patur një qeverisje edhe më të mirë, por njëherësh edhe një perspektivë të qëndrueshme evropiane”.

Në fund Gjonaj shtoi se qeveria ka vizionin e duhur për t’u përballur me fenomet si krimi dhe korrupsioni dhe sipas saj në ndihmë do të vijë shumë shpejt edhe ngrtija e SPAK-ut. /abcnews.al

Në daljen e përjavshme të bilancit të task-forcës antikorrupsion, ministrja e drejtësisë Etilda Gjonaj njofton rekomandimin e marrjes së 7 masave disiplinore si dhe evidentimin e 19 veprave penale dhe 35 autorëve, 5 prej të cilëve janë arrestuar./abcnews.al

GJONAJ-SINKRON-ABC-M5T1.mpg_snapshot_00.00-1280x720.jpg

Vetëm javën e shkuar Policia e Shtetit ka evidentuar shtatë vepra penale për korrupsion dhe shpërdorim detyre dhe ka dërguar procedim penal 11 persona. Shifrat u bënë publike nga Ministrja e Drejtësisë Etilda Gjonaj e cila bëri të ditur gjithashtu se Shërbimi i Kontrollit të Brendshëm të Burgjeve ka dërguar në Prokurorinë për shpërdorim detyre drejtorin e Institutit të Ekzekutimit të Vendimeve Penale në Vlorë dhe gjashtë punonjës. /abcnews.al

Deklarata e plotë:

Jam këtu përpara jush në këtë raportim të përjavshëm, lidhur me masat dhe rezultatet e punës së strukturave të luftës kundër korrupsionit në administratën publike.

Task Forca Ndërinstitucionale Antikorrupsionka vijuar me inspektime dhe kontrolle në institucione e administratës publike dhe zyrat që ofrojnë shërbime ndaj qytetarëve.

Trupa e inspektorëve të Task Forcës Antikorrupsion ka ushtruar kontroll administrativ dhe ligjor në Qendrën Kombëtare të Cilësisë Sigurisë dhe Akreditimit të Institucioneve Shëndetësore (QKCSAISH), Tiranë, lidhur me respektimin e parashikimeve ligjore në procedurat e akreditimit të institucioneve shëndetësore, si dhe të vlerësimit të standardeve të paracaktuara të cilësisë dhe sigurisë që duhet të sigurohen nga këto institucione.

Nga kontrolli janë evidentuar shkeljet në vijim;

Parregullsi dhe mangësi në mbajtjen dhe evidentimin e dokumentacionit ligjor në mospërputhje me respektimin e parashikimeve ligjore në procedurat e akreditimit të institucioneve shëndetësore;
Institucioni gjatë kësaj peridhe ka kryer përpjekje minimale për nxitjen dhe ndërgjegjësimin e institucioneve shëndetësore për të filluar dhe finalizuar procedurën ligjore të akreditimit apo arritjen/mbajtjen e standardeve shëndetësore të miratuara nga Ministria e Shëndetësisë të ofrimit të shërbimit shëndetësor për qytetarët;
Vizitat e mbikëqyrjes së akreditimit, nuk kryhen rregullisht, periodikisht çdo një vit pas akreditimit, sipas parashikimit ligjor të detyrueshëm, qëllimi i të cilit është vlerësimi i vazhdueshmërisë së plotësimit të standardeve për akreditim, në kundërshtim kështu më legjislacionin në fuqi.

Në përfundim të kontrollit janë rekomanduar 9 masa disiplinore “Vërejtje me paralajmërim për largim nga detyra”

për Drejtorin e institucionit,
përgjegjësin e sektorit dhe
7 specialistët e Sektorit të Akreditimit dhe Sektorit të Cilësisë, Sigurisë, Menaxhimit të Rreziqeve dhe të Drejtave të Pacientit.

Janë rekomanduar gjithashtu dhemasa administrative për përmirësimin e veprimtarisë të institucionit dhe përmbushjen e detyrimeve ligjore.

Gjithashtu kontrolle periodike vijojnë të ushtrohen edhe nga Shërbimi i Kontrollit të Brendshëm të Burgjeve.

Në këtë javë, janë referuar në Prokurorinë e Rrethit Gjyqësor Vlorë materialet procedurale, në ngarkim të 6punonjësve të IEVP-së Vlorëpër veprën penale të falsifikimit të dokumenteve dhe shpërdorimit të detyrës, përfshirë dhe Drejtorin e këtij institucioni.

Nga strukurat kundër korrupsionit, në Policinë e Shtetit, nga java që lamë pas,janë evidentuar 7vepra penale në fushën e korrupsionit dhe shpërdorimit të detyrës, duke proceduar penalisht 11 autorë.

Për të gjitha rastet e evidentuara, nga strukturat për hetimin e korrupsionit janë kryer veprimet hetimore dhe referuar në Prokurori, për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës”.

Dua ta mbyll deklaratën e sotme me një falenderim dhe një inkurajim për të gjitha institucionet ligjzbatuese të cilat vijojnë të punojnë duke prodhuar rezultate gjithnjë e më konkrete në sfidën e përbashkët të luftës kundër korrupsionit;si dhe të ftoj qytetarët të vijojnë e të na mbështetin me përfshirjen e tyre dhe denoncimet e rasteve korruptive që hasin në marrëdhëniet e përditshme me institucionet shtetërore.

Ministrja e Drejtësisë, Etilda Gjonaj zhvilloi një vizitë zyrtare në Berlin, ku u takua me homologen e saj Katarina Barley dhe me zyrtarë të tjerë. Në fokusin kryesor të takimeve të ministres Gjonaj ishte ecuria e deritanishme sa i përket Reformës në Drejtësi, ngritja dhe funksionimi i organeve të reja të drejtësisë.

Ministrat e Bundestagut gjerman i siguruan ministres Gjonaj në Berlin se Gjermania do të vazhdojë të mbështesë Shqipërinë me anë të projektit të binjakëzimit për të rritur më tej njohjen dhe perceptimin e publikut në luftën kundër korrupsionit.

Në përfundim të takimeve në Berlin, ministrja e Drejtësisë, Etilda Gjonaj, falenderoi ministrat gjermanë për mbështetjen që Gjermania i ka dhënë Shqipërisë në hapjen e negociatave dhe procesin e integrimit në Bashkimin Europian. /abcnews.al

LAJMET-DT-2-PRILL-GJONAJ.mpg_snapshot_04.17-1280x720.jpg

“Brenda qershorit 2019 zgjidhen anëtarët e Gjykatës Kushtetuese dhe të Inspektoriatit të lartë të Drejtësisë”. Këtë premtoi ministrja e Drejtësisë Etilda Gjonaj në studion e Mbrëmje ABC News të Mirela Milorit.

“Jemi në procesin e emërimeve kushtetuese, Këshilli i Emërimeve në dreJtësi ka ngritur gjithë strukturën e akteve të brendshme dhe rregullatore për ndërtimin e skemës sesi do vlerësohen anëtarët e Gjykatës Kushtetuese dhe kandidatët për Inspektoriatin e Lartë të Drejtësië, dhe me këtë proces do kemi të zgjedhur brenda qershorit 2019 anëtarët e Gjykatës kushtetuese Inspektoriatit të Lartë të Drejtësisë për gjyqtarë dhe prokurorë”.

Sipas saj ngritja e SPAK dhe BKH do i japin impuls reformës në drejtësi në drejtësi, ndërsa priten vendimmarrjet e para.

“Ngritja e SPAK dhe BKH do i japin impuls reformës në drejtësi. Ne presim që kanditët qëk anë aplikuar pranë KLP të kalojnë në proces vetingu dhe presim vendimmarrjet e para dhe sapo numri minimal do të jetë gati atëherë SPAK do të jetë menjëherë i ngritur”.

Ajo apeloi që politika të qëndrojë jashtë këtij procesi që është jetik për vendin

“Politika duhet të qëndrojë jashtë këtij procesi që është jetik për Shqipërinë për shtetin së drejtës dhe për ekonomi të qëndrueshme”. /abcnews.al

Lufta kundër krimit dhe korrupsionit është prioritet kyç i Ministrisë së Drejtësisë. Këtë e konfirmoi në një konferencë për shtyp Ministrja e Drejtësisë, Etilda Gjonaj, sëbashku me homologun holandez, Ferdinand Grapperhaus.

“Prioritet kyç i Ministrisë së Drejtësisë është lufta kundër korrupsionit si prioritet i BE për çeljen e negociatave dhe për progresin ekonomik, shoqëror të Shqipërisë, sëbashku dhe me partnerët tanë kjo do të jetë një betejë në vazhdim. Bashkëpunimi mes dy vendeve tona ka qenë i ngushtë dhe do thellohet. Holanda është dhe do mbetet një nga partnerët tanë më të rëndësishëm”.

Ajo tha se në këtë kuadër është nënshkruar dhe dokumenti i bashkëpunimit kundër krimit me Holandën, ekspertiza e së cilës është pjesë e procese reformuese.

“Në kuadër të këtij bashkëpunimi kemi nënshkruar dokumentin e bashkëpunimit kundër krimit dhe kemi konfirmuar interesin e përbashkët në fushën e sigurisë, kundër krimit të organizuar. Shqipëria ka bërë përparime në luftën kundër Krimit. Do t’u mundësojë prokurorëve bashkëpunimin me kolegët e tyre duke rritur shkëmbimin dhe rezultatin në luftën kundër krimit, terrorizmit dhe korrupsionit duke e sjellë Shqipërinë më pranë BE. Ekspertiza e Holandës është pjesë e proceseve reformuese. Lufta kundër krimi do u japë shqiptarëve një shtet më të mirë dhe perspektivën evropiane”.

Në të njëjtën linjë, edhe homologu holandez e vuri theksin te fuqizimi i bashkëpunimit mes dy vendeve në luftën kundër krimit të organizuar dhe korrupsionit, ndërsa ka vlerësuar hapat e Shqipërisë gjatë viteve të fundit.

“Kam pasur një vizitë të frytshme në Shqipëri. Duke folur me ju, autoritetet, prokurorinë dhe shumë institucione të tjera ka qenë kënaqësi. Prej dokumentit të bashkëpunimit që kemi nënshkruar kemi shprehur synimin tonë dhe kemi rënë dakord që do ta fuqizonim.
Ne duam ta ndihmojmë Shqipërinë që të ecë përpara në një proces që është shumë mbresëlënës. Ajo që ka arritur Shqipëria është mbresëlënëse. Hapa janë marrë gjatë viteve të fundit. KLGJ, KLP dhe Inspektorati i Lartë. Ekziston nevoja për të finalizuar organet e specializuara si SPAK si strukturë dhe Byroja Kombëtare e Hetimit”.

Sipas tij procesi i vetting-ut është kyç dhe madhor në këtë proces.

“Vetting-u është kyç në këtë proces dhe madhor. E ka detyruar Shqipërinë të shtyjë formimin e institucioneve të reja kushtetuese dhe institucioneve të tjera dhe kjo na duhet për shtetin e së drejtës. Të luftojmë sëbashku kundër krimit të organizuar kombëtar, i cili ka ndikim negativ në dy popujt tanë. Ky është një çmim që duhet paguar për një të ardhme më të mirë”.

Ministri holandez Grapperhaus tha gjithashtu se është rënë dakord për disa masa konkrete që të kalohet te procesi i përbashkët hetimor.

“Mandati im përfshin rendin, qetësinë dhe sigurinë në Holandë. Kam folur me homologun tim dhe kemi shprehur vullnetin për bashkëpunimin dhe kemi rënë dakord për disa masa konkrete që të kalohet te procesi i përbashkët hetimor”.

I pyetur për protestën e opozitës, Grapperhaus tha se dalja nga Kuvendi nuk është mënyra për të zgjidhur problemet dhe shkon kundër parimeve demokratike. /abcnews.al

Pas shkarkimit nga detyra të kryeregjistrueses në Hipotekën e Kavajës Task Forca Antikorrupsion rekomandoi edhe 17 masa të tjera disiplinore. Për 11 specialistë u mor vendimi për largim nga puna. Të dhënat u bënë publike nga Ministrja e Drejtësisë Etilda Gjonaj pas një denoncimi të kryer në platformën e bashkëqeverisjes.

“Pas një denoncimi të kryer në platformën “Shqipëria që duam”, Task Forca Antikorrupsion, ka kryer kontroll në Zyrën Vendore të Regjistrimit të Pasurive të Paluajtshme Kavajë, me objekt verifikimin e zbatimit të urdhrit të ministrit të drejtësisë të prillit të vitit 2018, për evidentimin, shqyrtimin dhe trajtimin e të gjitha praktikave të prapambetura ose jashtë afatit nga ana e ZVRPP-ve, njëkohësisht verifikimin e cilësisë e transparencën.

Sistemi online i menaxhimit të aplikimeve nuk ka pasqyruar situatën reale të praktikave të trajtuara ose atyre jashtë afatit për faktin se sistemi nuk është administruar, apo përdorur nga administrata e kësaj zyre në mënyrë të vazhdueshme.

Duke mbajtur në konsideratë shkarkimin nga detyra më herët të regjistrueses së ZVRPP Kavajë, në përfundim të kontrollit janë rekomanduar dhe 17 masa disiplinore ku për 11 specialiste të ZRVPP Kavajë është rekomanduar “vërejtje me paralajmërim për largim nga detyra”, 6 specialistë të tjerë është rekomanduar “vërejtje me shkrim”.

Gjithashtu janë rekomanduar edhe masa administrative për rregullimin e veprimtarisë s brendshme të ZRVPP Kavajë për përmirësimin e cilësisë”, theksoi Gjonaj/abcnews.al

Older Posts

Reagim i Ministrisë së Drejtësisë: Nuk kemi dhënë leje shpërblyese për asnjë të burgosur

Lleshaj dhe Gjonaj në Bruksel: Mbështetje për hapjen e negociatave

Gjonaj me homologen franceze: Vullnet politik për reformën në drejtësi

Reforma në drejtësi, krimi e korrupsioni, Gjonaj takon ministrin austriak

Gjonaj: Task-forca gjen shkelje pranë Agjencisë Rajonale të Mjedisit

Gjonaj: 18 persona paditen në prokurori për korrupsion e shpërdorim detyre

Gjonaj në Berlin: Gjermania do të mbështesë Shqipërinë në rrugën drejt BE

Gjonaj: Brenda qershorit 2019 zgjidhen anëtarët e Gjykatës Kushtetuese

Gjonaj-Grapperhaus: Bashkë kundër krimit për një të ardhme më të mirë

Gjonaj: 17 masa ndëshkimore në ZVRPP Kavajë

Basha takohet me Metën

Në ballkon për të vjedhur, por policia u bllokon shqiptarëve të gjitha rrugët

Meta kthen ligjin për privatizimin e shoqërive tregtare