devoll
in a09:48 | 22/01/2020
Ditën e djeshme një zjarr i përmasave të mëdha përfshiu zonën Cardhakut në Devoll. Vatra e zjarrit ishte në afërsi të vendit ku edhe ishin të vendosura antenat e sinjalit. Burime për abcnews.al bëjnë me dije se sot zjarri është drejt fikjes.
Por terreni i vështirë malor dhe i borës ia vështirësoi punën zjarrëfikësve të cilat i janë afruar zonës dhe janë duke e mbajtur në mbikqyrje nga larg situatën. Tashmë situata është e stabilizuar dhe nuk pritet më të përbëjë ndonjë problem./abcnews.al
ger ta16:56 | 21/01/2020
Nja zjarr ka rënë në vargmalet e Moravës dhe Cardhakut në Devoll. Burime për abcnews.al bëjnë me dije se vatra e zjarrit është ende aktive dhe është djegur një sipërfaqe e konsiderueshme me pisha dhe ah por edhe bimësi e ulët.
Zjarri është i përmasave të mëdha, ndërsa terreni i vështire e bën të pamundur ndërhyrjen. Në vendin e ngjarjes janë punonjes të zjarrfikëses, emergjencave dhe bashkisë. Paraprakisht dyshohet se zjarri të jetë i qëllimshëm./abcnews.al
in a14:25 | 25/12/2019
Mes skamjes dhe varfërisë ekstreme, lotëve dhe dhimbjes së pafundme është realiteti i hidhur i shumë familjeve shqiptarë. Festat për ta nuk ekzistojnë. Kjo jo për mungesë te dëshirës por pamundësisë ekonomike. Buza e tyre nuk qesh as në këto ditë festash. Një ndër to është edhe familja Lushi mga fshati Poloskë i Devollit.
Gazetarja e “Abc News” Ledjona Xheladinaj ishte pranë tyre në ditën e Krishtlindjeve. Përpos festimeve në juglindje një tjetër realitet është ne periferi. Jetojnë në kushte mizerable. Streha e vetme e tyre është një kasolle e improvizuar. Pamjet tregojnë qartazi kushtet ekstreme dhe cnjerëzore ku jetojnë 4 pjestarë të kësaj familje. Perveç varfërisë aty gjejmë dhimbje pafund dhe lot. Historia është e pazakontë.
Dy muaj më parë ata jetonin në banesën që e kishin ndërtuar me mund dhe sakrificë. Teksa u hodhën në rrugë nga vet familjaret e Albanit, kryefamiljarit Lushi. Një testament i padrejtë i la ata pa strehë. Motra e kryefamiljarit në mënyrë të pamëshirshme iu mori gjithçka ndërsa nuk e prekën as lutjet e dy fëmijëve të cilët nuk rreshtin së derdhur lot. Adriana e mbytur nga dhimbja rrëfen gjithçka ka ndodhur dhe si përfunduan në kasollen e ndërtuar për tu strehuar edhe pse e mbuluar me plasmas, temperaturat e ulta janë të padurueshme.
“Për banesën ka kontribuar burri me kunatin”, shprehet ajo.
Drita e vetme për ta është një llambë e improvizuar në kushte primitive teksa tualeti nuk ekziston. Vakti ushqimor është trahanaja e siguruar nga të afërmit e Adrianës.
Kryefamiljari punon çoban në mal për të siguruar sado pak të ardhura për të mbajtur familjen. Padrejtësitë e bëra nga familja e tij e kanë rënduar paikologjikisht i cili shpesh herë ka tentuar edhe vetvrasje. Ai nuk e kapërdin dot faktin se djersën e një jetë ia rrëmbyen ndërsa fëmijët e tij kanë mbetur në qiell të hapur.
E mbytur në lot dhe dhimbje, Adriana thotë se nuk ka mundësi të festojë edhe pse krishtlindjet janë të shenjta për të. Apeli është për ndihmë për të gjithë ata që kanë mundësi.
“Nuk mendoj për vete vetëm për dy fëmijët”, shprehet Adriana.
Ndërkohë Renaldi është vetëm 14 vjeç por kupton ëdo padrejtësi qe i është bërë familjes së tij. Mes lotësh ai apelon.
“Qëkur kemi dalë këtu nuk e lexoj dot mirë librin është shumë errësirë”, thotë Renaldi.
Në një moshë më të rritur Denisa thotë se mungesa e energjisë bën që ta kete të pamundur leximin çka ka bërë edhe të bjerë në rezultate në mësime ku prej kohësh ka qene nxënëse ekselente.
“Shumë e vështirë për të mësuar”, shprehet vajza.
Një muaj më parë përmbarimi nxorri forcërisht familjen me 4 anëtarë . Vëmendja e bashkisë është zero. Kasollja u ngrit pak metra larg banesës ku ata jetonin. Siç shihet edhe në pamje banesa aktualisht është bosh. Ndërsa familja Lushi fle në kasolle.
Jo më shumë se 5 metra ndodhen motra dhe prindërit e Albanit të cilët i hodhën më rrugë pa mëshirë. Ndonëse shohin kushtet ku ata jetojnë , dhembshuria është pothuajse zero.
Një realitet i hidhur edhe pse të vret thellë në shpirt. Të afërmit të gjithë ngrejnë supet përballë kësaj situate të pazakontë ndërsa ndihmojnë me sa të munden 4 anëtarët e familjes. Refuzojnë të flasin në kamer ndërsa ngrejnë supet kur dëgjojnë se prindërit hedhin në rrugë djalin e tyre.
Teksa largohemi nga banesa, Adriana, Renaldi dhe Denisa na përcjellin me mirësi ku varfëria nuk ua ka marrë asnjë moment. Mirësia, dashuria janë virtytet e çmuara që ata kanë. Falenderimet e tyre na prekin në zemër . Siç thonë edhe vet, ne jemi të vetmit qç kemi parë nga afër dhimbjen e tyre. Kjo për ata është gjithcka. Largohemi dhe mbetemi me kokën pas. Lutemi së bashku me dy fëmijët për këdo që ka mundësi ti ndihmojë dhe tju kthejë buzëqeshjen e munguar prej vitesh./abcnews.al
ger ta14:45 | 17/11/2019
Një operacion i koordinuar midis policisë së Devollit, Korçës dhe strukturës FRONTEX ka arrestuar 5 persona në fshatin Kurilë (Devoll) pasi po përpiqeshin të kalonin në anën tjetër të kufirit 37.5 kg kanabis.
5 të arrestuarit mbanin veshur uniformën e policisë në mënyrë që t’i shmangeshin kontrollit të patrullave dhe për të transportuar pa pengesa sasinë me lëndë narkotike.
Njoftimi i policisë:
Strukturat e Drejtorisë Vendore të Policisë Korçë, në bashkëpunim me Drejtorinë Vendore të Kufirit dhe Migracionit Korçë dhe shërbimet Frontex, nën drejtimin e Prokurorisë të Rrethit Gjyqësor Korçë, pas një hetimi një mujor si edhe falë veprimeve të mirëorganizuara, kanë goditur një rast të tentativës së trafikimit ndërkombëtar të lëndëve narkotike, duke finalizuar me sukses operacionin e koduar “Kurila”, si rezultat i të cilit u arrestuan në flagrancë shtetasit:
- M.Z, 28 vjeç, banues në Korçë.
- A.K, 30 vjeç, banues në Korçë.
- K.N, 28 vjeç, banues në fshatin Drenovë, Korçë.
- B.D, 36 vjeç, banues në Korçë.
- D.P, 26 vjeç, banues në Elbasan.
Si edhe u shpallën në kërkim shtetasit:
- R.T, 23 vjeç, banues në fshatin Plasë, Maliq (i dënuar më parë për “Vjedhje”).
- M.Z, 31 vjeç, banues në fshatin Moravë, Korçë, i dënuar më parë për “Prodhim dhe armëmbajtje pa leje”).
Shtetasit e lartpërmendur në bashkëpunim me njëri-tjetrin, kanë tentuar të trafikojnë 37.5 kg lëndë të dyshuar narkotike kanabis, duke u veshur me veshje të cilat mbanin mbishkrimin “Policia”, për ta pasur më të lehtë kalimin e sasisë së drogës nëpërmjet kufirit të gjelbër, në fshatin Kurilë, Devoll.
Në cilësinë e provës materiale janë sekuestruar sasia prej 37,5 kg lëndë e dyshuar narkotike kanabis, tre automjete të përdorura nga autorët e dyshuar në pronësi të shtetasve D.P; M.Z., dhe B.D; një sasi lekësh, 18.550 Euro, veshje me mbishkrimin “Policia” dhe aparate celularë.
Po vijon puna për kapjen e shtetasve R.T, dhe M.Z, për dokumentimin e plotë të ngjarjes, si edhe vendosjen përpara përgjegjësisë ligjore të personave të tjerë, të dyshuar si bashkëpunëtorë në këtë aktivitet kriminal.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprën penale “Trafikimi i narkotikëve, kryer në bashkëpunim”, e ngelur në tentativë dhe “Përvetësimi i titullit apo i detyrës shtetërore”./abcnews.al
in a14:20 | 16/11/2019
For the top Democrat Lulzim Basha, for Rama is vital to seize the institutions. From Devolli, Basha accuses Rama that same as tenders also appoints judges of the Constitutional Court, without competition.
“Same as the tenders, appoints also the judges of the Constitutional Court,without competition those who love Ardian Dvorani, the symbol of corruption and state capture Edi Rama’s tool and machine that will not leave the institution untouched because it is vital that he seize the institutions.
If institutions work the first to go for prosecution for dozens of criminal acts is Edi Rama and half of his cabinet and former government cabinet.
Therefore it is vital that he seize justice, blocking justice reform, therefore he appoints as puppets prosecutors, judges, the Constitutional Court. Lawlessness and injustice only produce poverty and misery.
The only solution are elections and restoring the legitimacy of parliament” ./abcnews.al
ent ela12:31 | 16/11/2019
“E gjithë Shqipëria punon për një kalçeto me oligarkë të Edi Ramës”. Kështu është shprehur Kryetari i partisë Demoratike Lulzim Basha gjatë takimit me feremrët e Devollit, në kuadër të rrugëtimit të tij për Shqipërinë.
Për Bashën, kreu i qverisë është përgjegjësi i vetëm që fermërët dhe sektori i bujqësisë janë braktisur.
“Kemi bërë hapa pas, fermeri është harruar. Kostot e rënduara e kanë bërë punën tuaj të pavlerë në treg. Produktet tuaja përfundojnë në kanal të pashitura sepse sektori i bujqësisë dhe blegtorisë, është sektori më i braktisur. Shqipëria është i vetmi vend në Ballkan që qeveria nuk e mbështet fermerin me financime. Vit pas viti mbështetja për fermerët sa vjen e ulet. Edhe këtë vit mbështetja në buxhet është shumëq e ulët. Potenciali është i jashtëzakonshëm, por ju mungon një qeveri që ju mbështet. Ne kemi një qeveri që ju rëndon me politika abuzive duke e renditur vendin në vendin e tretë më të korruptuar të botës”.
Ai akuzoi Ramën se merr pronat e shqiptarëve për t’ua dhënë miqve të tij, ndërsa vendi është zhytur në paligjshmëri. Basha thekson se zgjidhja e vetme janë zgjedhjet e lira dhe të ndershme.
“Edi Rama hyri në histori për rekordin e korrupsionit. Rama financon propagandën me paratë që ju merr ju. Korrupsionin e solli vetëm një njeri, Edi Rama që e ktheu vjedhjen në art. Vetëm muajt e fundit dhjetëra million euro zhduken dhe i jepën dy tre miqve të Ramës. Shikoni koorporatën e investimeve, korportaën e hajdutërisë që është krijuar për të marrë pronat e shqiptarëve dhe për t’ja dhënë miqve të Edi Ramës
Për Edi Ramën është jetike kapja e drejtësisë. Vendi është zhytur në paligjshmëri. Zgjidhja e vetme për ta nxjerrë vendin nga kjo gjendje janë zgjedhjet e lira
Ne kemi një plan për të dalë nga kriza, por për këtë duhet që të kemi zgjedhje të lira e të ndershme parlamentare në një ditë me ato vendore”. /abcnews.al
ad min11:27 | 31/10/2019
Reshjet intensive gjate mbrëmjes se të mërkurës kanë fikur plotësisht të gjitha vatrat e zjarrit që ishin aktive prej katër ditësh. Policia e Devollit ka referuar në Prokurori materialet për ngjarjen pa autore të cilën e ka klasifikuar si të qëllimshme.
Burime nga grupi hetimor i thane Abc News se dyshimet për zjarrvënie shkojnë tek barinjtë që hapin kullota ose kondrabandistët e lëndës drusore dhe qymyrit të drurit. Deklarimet e banorëve dhe barinjve të zonës nuk e kanë çuar policinë drejt zbulimit të personave që i vunë zjarrin pyllit qe ka statusin e zonës së mbrojtur.
Zjarri i fuqishëm që përfshiu prej të dielës masivin pyjor të Nikolicës dogji rreth 50 ha pyll me pishë, dushk dhe bimësi të ulet./ABC News Albania
ent ela14:01 | 30/10/2019
Dy vatra të reja zjarri janë aktivizuar sot në masivet pyjore të Nikolices në Devoll. Gazetarja e ABC neës Daniela Zisi raporton se vatra më e madhe është fikur, por gjatë paradites flakët janë përhapur në dy zona të tjera. Flakët nuk janë intensive dhe në terren po punohet për të mbajtur situatën nën kontroll.
Zjarri, i cili vijon prej katër ditësh ka shkrumbuar rreth 50 ha pyll me pisha, dushk dhe bimësi të ulët. Zjarrvënia u konsiderua e qëllimshme, por deri tani nuk ka persona të ndaluar nga policia. /abcnews.al
ad min16:20 | 29/10/2019
Ka marrë përmasa më të mëdha dhe intensifikohet zjarri në masivet pyjore të Nikolicës. Flakët e zjarrit, të favorizuara nga era e fortë kanë dëpërtuar në thellësi të pyllit, duke djegur pishat e zonës së mbrojtur.
Forca të shumta zjarrfikëse dhe ato të Ushtrisë e kanë të vështirë të mbajnë nën kontroll zjarrin, i cili prej mesditës së kësaj të marte është bërë me intensiv.
Kërkesës së autoriteteve lokale për ndihmë nga ajri si e vetmja mundësi për të fikur zjarrin, autoritetet greke ende nuk i kanë dhënë përgjigje pozitive. Ndërkohë afër vatrës janë gjetur dhe fishekë shumë prej të cilëve nga shpërthyer. Punonjësit e Pyjores dhe zjarrfikëset kanë tre ditë që po përballen me këtë situatë./ABC News Albania
ent ela09:48 | 29/10/2019
Vijojnë të mbeten aktive prej tri ditësh vatrat e zjarrit në masivet pyjore të Nikolicës. Burime nga Emergjencat Civile bëjnë të ditur se flakët janë vënë nën kontroll dhe po punohet për të penguar përhapjen e tyre në sipërfaqe të tjera.
Mbi 100 forca të shërbimeve zjarrfikëse të bashkive të Qarkut dhe forca të ushtrisë janë në terren duke u përpjekur të izolojnë flakët e zjarrit.
Prefekti i Korçës Dhori Spirollari tha për ABC Neës se i ka kërkuar ndihmë prefekturës së Selanikut, për të mundësuar ndërhyrjen nga ajri, në pamundësi për të ndërhyrë me mjete zjarrfikëse, në kushtet e një terreni të vështirë.
Edhe pse dje njëra prej vatrave është fikur, mbetet problematike aktivizimi i vatrave të tjera, sidomos atyre që janë në afërsi të kufirit me Greqinë. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:38 | 16/02/2020
