bayern munchen
Igli Nikolli20:14 | 09/11/2019
Erik Ten Hag befasoi botën e futbollit me Ajaksin e tij sezonin e kaluar. “Harkëtarët” fituan titullin kampion, Kupën e Holandës dhe ishin pak sekonda larg finales së Champions League. Ajaks zhvilloi një futboll spektakolar dhe shumë tifozë u dashuruan me lojën e De Jong e Ziyech me shokë.
Trajneri 49-vjeçar kërkohet nga disa klube të mëdha evropiane, sidomos Bayern Munchen. De Telegraaf raporton se Ten Hag do të largohet në fund të sezonit nga kampionët e Holandës. Përveç ekipit bavarez, emri i tij po përflitet edhe për stolin e Napolit.
Pozitat e Carlo Ancelottit janë lëkundur pas rezultateve negative dhe ngjarjeve të fundit. Aurelio De Laurentis e pëlqen shumë Ten Hag dhe është gati t’i dhurojë drejtimin e nënkampionëve italianë strategut të Ajaksit. /abcnews.al
Igli Nikolli19:44 | 09/11/2019
Kur situata nis e bëhet serioze, Bayer Munchen reagon gjithmonë. Ekipi bavarez ka hedhur një hap të sigurt drejt fitores në ndeshjen kundër Dortmundit. Kampionët në fuqi kanë dyfishuar rezultatin.
Lewandovski kishte zhbllokuar ndeshjen në pjesën e parë, ndërsa Serge Gnabry sapo e ka mbyllur atë. Mesfushori 24-vjeçari shfrytëzoi një kundërsulm të shpejtë, mori një pasim nga Muller në minutën e dytë të pjesës së dytë dhe dërgoi topin pas shpinës së portierit mik.
Goli i tretë në kampionat për Gnabry, i cili është ndër lojtarët më në formë të Bayern Munchen. /abcnews.al
Veronik Istrefaj18:58 | 09/11/2019
Robert Lewandowski po bën një sezon të shkëlqyer. Sulmuesi polak gjeti golin edhe në klasiken që po luhet në këto momente kundër Borussia Dortmund, në minutën e 17-të. Leëa përfiton mjaft mirë nga një krosim i shkëlqyer i Pavard, për të shënuar me kokë.
Lewandowski vazhdon të vendosë rekorde këtë sezon. Në 11 sfidat e para, polaku ka shënuar 15 gola. Gjithashtu, Lewa ka shënuar 39 gola në 39 ndeshjet e fundit. Polaku ka shënuar edhe në çdo ndeshje që ka luajtur këtë sezon, si në Bundesliga, ashtu dhe në Champions League. Goleador i lindur!/abcnews.al
Bundesliga, java 11
Bayern Munchen – Borussia Dortmund 1-0
Lewandoëski 17′
Klejdi Kaimi14:12 | 09/11/2019
Bayern Munchen akoma nuk e ka gjetur akoma trajnerin e ri. Sipas një raportimi të fundit nga ‘Calciomercato.com’, ideja e fundit e bavarezëve është holandezi Mark van Bommel.
Pas shkarkimit të Niko Kovac për rezultate të dobëta në ditët e fundit, Bayern sërish nuk po kthehet tek rezultatet pozitive dhe tek loja e bukur. Tifozët në sondazhet e klubit kërkojnë një reagim sa më të shpejt nga klubi. Ata ende preferojnë legjendarin Jupp Heynckes për pankinën, edhe pse ky i fundit është 74-vjeç.
Emrat e lidhur me stolin bavarez janë të shumtë që kanë qarkulluar në media. I pari që i tha jo ishte italiani Max Allegri, i cili e refuzoi ofertën. Në orët e fundit është folur shumë për Arsene Wenger, por asgjë nuk ka zyrtare. Ndërkohë, ish-mesfushori i Milanit, Van Bommel është në kontratë me PSV-në deri në verën e vitit 2021. /abcnews.al
Igli Nikolli18:33 | 07/11/2019
U përfol shumë gjatë ditës së sotme se Arsene Wenger do të jetë trajneri i Bayern Munchen. Gjithsesi, trajneri francez ka rënë si kandidaturë dhe nuk do të ulet në pankinën e klubit bavarez. Bild raporton se 70-vjeçari ka telefonuar Karl-Heinz Rummenigge, i cili mban postin e shefit ekzekutiv të klubit gjerman.
Wenger ka treguar interes për t’u ulur në stolin e kampionëve gjermanë dhe ka treguar gatishmërinë e tij për të nisur tratativat. Ndryshe mendon Rummenigge, i cili i ka kthyer menjëherë përgjigje negative francezit. Bayerni është i fokusuar në kandidatura të tjera dhe nuk dëshiron të nxitohet për gjetjen e pasardhësit të Niko Kovac. /abcnews.al
Igli Nikolli16:12 | 07/11/2019
Në Gjermani dhe Francë janë të bindur: Arsene Wenger do të jetë trajneri i ri i Bayern Munchen. Kampionët e Gjermanisë ndodhen në tratativa të avancuara me 70-vjeçarin e njohur dhe akordi përfundimtar pritet të vijë në ditët e ardhshme.
Gjithsesi, për të frenuar entuziazmin e tifozëve bavarezë ka menduar vetë Wenger. Ish-trajneri i Arsenalit (i drejtoi për 22 vite rresht) ka reaguar me anë të një prononcimi për beIN Sports.
“Nuk kam biseduar me asnjë drejtues të Bayernit dhe nuk e di nëse do ta bëjmë diçka të tillë në vijim“, është shprehur shkurtimisht Arsene Wenger. /abcnews.al
Igli Nikolli14:35 | 07/11/2019
Bayern Munchen e ka zgjedhur trajnerin e ri dhe po punon për të arritur akordin përfundimtar. Bild raporton se klubi gjerman ka nisur negociatat me Arsene Wenger. Ish-trajneri i Arsenalit është i preferuari për stolin dhe tratativat po shkojnë mirë.
Diçka të tillë e konfirmon edhe Lothaur Matthaeus. “Bayern po negocion me agjentin e francezit. Me shumë mundësi do të arrihet marrëveshja gjatë pushimit për shkak të ndeshjeve të kombëtares“, shprehet ish-kapiteni i ekipit bavarez.
Kampionët e Gjermanisë shkarkuan kroatin Niko Kovac pas humbjes 5-1 kundër Eintracht Frankfurt dhe Wenger pritet ta zëvendësojë në pankinë. 70-vjeçari drejtoi Arsenalin për 22 vite rresht dhe qëndron pushim prej majit të vitit 2018. /abcnews.al
Veronik Istrefaj17:40 | 06/11/2019
Talenti i Bayer Leverkuse, Kai Havertz, ka shtuar edhe më tepër zërat për një kalim të mundshëm të tij te skuadra e Bayern Munchen. Gjermani është një ndër lojtarët më të kërkuar në merkato dhe Bayern është një nga ekipet e interesuara. Për këto zëra, Havertz tha:
“Bayern është klubi më i madh në Gjermani dhe ka pasur shumë lojtarë që kanë qenë të suksesshëm që në moshë të re. Gjithashtu, edhe lojtarë të rinj që janë transferuar atje kanë shkëlqyer.
Ka zëra që më lidhin me Bayernin, po të shikojmë se ccfarë do të ndodhë. Ka disa lojtarë që duan të qëndrojnë pranë familjes së tyre, ndërsa disa të tjerë duan të largohen drejt një qyteti tjetër.
Unë një gjë e kam të qartë: Nëse do të bëhesh yll dhe të luash në Gjermani, Bayern Munchen është ekipi i duhur”, përfundoi Havertz./abcnews.al
Klejdi Kaimi12:44 | 06/11/2019
Bayern Munchen ende po kërkon trajnerin e ri pas shkarkimit të Niko Kovac pas humbjes 5-1 nga Eintracht Frankfurt. Pas refuzimit nga ana e Allegrit, emri më i përfolur në orët e fundit është i francezit, Arsene Wenger.
Ish-trajneri i Arsenal-it shikohet si njeriu i duhur nga drejtuesit për ti rikthyer bavarezët në rrugën e duhur. Nuk është i këtij mendimi ish-mbrojtësi i Francës, Marcel Desailly. I ftuar në studion e ‘Bein Sports’, francezi deklaron: “Bayerni është si një instuticion. Gjermanëve i duhet një frymë e re. Nuk mendoj se do të jetë Wenger. Ai është shumë i zoti, mund ta ndërtojë klubin nga e para me filozofinë e tij, por moshën e ka kundër.”
Kur u pyet nga holandezi, Ruud Gullit, nëse Wenger mund të shkojë si drejtor sportiv në Mynih ish-mbrojtësi i Chelsea-t dhe Milan-it, shprehet: “Jo. Ai tashmë është 70 vjeç, nuk është më si dikur. Është i relaksuar, por nuk mund ta përballojë presionin e një klubi gjigant si Bayerni.”- mbyll francezi. /abcnews.al
Should Wenger coach #FCBayern?
Desailly: "No, he should not be in the dugout. It's not for him any more."#beINUCL pic.twitter.com/UguQdcMWQB
— beIN SPORTS (@beINSPORTS) November 5, 2019
Veronik Istrefaj16:55 | 04/11/2019
Ish-mesfushori i Bayern Munchen, Bastian Schweinsteiger, ka folur në lidhje me zërat që e çojnë Jose Mourinhon në krye të stolit bavarez, pas shkarkimit të Niko Kovac. Schweinsteiger pranoi se Mourinho e lakmon stolin e Bayern, si dhe e pyeste shpesh për atë pozicion gjatë kohës kur të dy ishin te Manchester United në Premier League.
Në fjalën e tij, Schweinsteiger tha: “E imagjinoj Mourinhon në Gjermani. E mbaj mend kur ishim te Manchester United, gjithmonë më pyeste për Bayern Munchen dhe për Bundesligën. Kur ishim të grumbulluar me skuadrën, Mourinho gjithmonë e ndiqte kampionatin gjerman nga TV.
Ai i njihte të gjithë lojtarët në Bundesliga, madje edhe lojtarët e ekipeve të vogla. Ka studiuar dhe gjermanisht dhe jam i bindur se ai do të ketë një aventurë në Gjermani shumë shpejt”, përfundoi Schweinsteiger./abcnews.al
23:47 | 19/11/2019
23:22 | 19/11/2019
23:21 | 19/11/2019
