Duro: Ja pse ndryshova skemën, Abazaj dhe Gavazaj kishin shanset e tyre

15:11 | 23/10/201915:110

Kukësi u rikthye te fitorja dhe Shpëtim Duro është i lumtur. Trajneri i ekipit verilindor ka folur pas ndeshjes në emisionin “Gol pas Goli” në Supersport, aty ku ndalet te triumfi dhe loja e ekipit të tij.

FITORJA – “E rëndësishme është fitorja. Vinim nga një moment jo i mirë psikologjik. Tensioni, temperaturat e larta dhe fusha jo në nivelin e duhur, janë faktorë. E zgjidhëm në pjesën e parë dhe e administruam avantazhin. Ka akoma probleme brenda skuadrës, por rëndësi kishte fitorja”.

ABAZAJ-GAVAZAJ – “Nuk është faji im. Shkurtaj po bën ndeshje të mira, po shënon dhe ka lëvizshmëri të madhe. Abazaj dhe Gavazaj i patën mundësitë për të shënuar dhe gabuan, nuk është faji im”.

NDRYSHIM TAKTIK – “Skemën e ndryshova pas golit të parë. Po shikoja që kisha probleme pas daljeve në krah të Luftëtarit. Ktheva Et’hemin dhe kaluam me 4 mbrojtës. Aktivizova Lulajn, sepse është futbollist me cilësi më të mira defensive”.

SKËNDERBEU – “Ishte loja jonë me dobët në të gjitha aspektet kundër Skënderbeut. E kam thënë që ishte ndeshja jonë më e dobët dhe më e mira e Skënderbeut, por sërish dolëm më pikë”.

SULMI – “Shkurtaj po bën mirë dhe po shënon. Kisha dëshirë që të shënonin Abazaj dhe Gavazaj. I patën rastet dhe goli do t’i çlironte. Gjithsesi, po shërbejnë për skuadrën dhe shpresoj të jenë më mirë në ndeshjet e tjera”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono