Aleatët i kërkojnë Bashës pjesëmarrjen në komisionin e reformës zgjedhore

16:18 | 22/10/201916:180

PD nuk është shprehur zyrtarisht nëse do të marrë pjesë në mbledhjen e Komisionit te Reformës Zgjedhore, por aleatët e saj kërkojnë një përfaqësim në nivelin teknik. Për ABC Neës, aleatët e PD, Mediu, Shehi dhe Ndoka shprehen se opozita nuk duhet të refuzojë asnjë ftesë kur bëhet fjalë për të dhënë kontributin e saj për reformën zgjedhore.

Një ditë pas takimit me Lulzim Bashën, aleatët e Partisë Demokratike janë në unison që opozita nuk duhet të refuzojë asnjë ftesë për të qenë pjesë e diskutimeve të Reformës Zgjedhore. Për ABC News, kreu i PR, Mediu, kreu i LZHK, Shehi dhe kreu i PDK, Ndoka janë të bindur se zëri i opozitës duhet të dëgjohet.

E kontaktuar nga ABC Neës, zyrtarisht Partia Demokratike nuk ka mohuar pjesëmarrjen në Komisionin e Reformës Zgjedhore. Sipas burimeve nga selia blu fillimisht do të pritet të merret zyrtarisht ftesa nga Kuvendi, pastaj do të shprehet me një vendim politik. Por aleatët e Bashës ndahen kur bëhet fjalë për ndarjen e miratimit të reformës zgjedhore në dy faza.

Ndoka e Shehi e shohin si zgjidhjen më të mirë kalimin në Kuvend të propozimeve të OSBE/ODIHR për të cilat ka dhënë kontribut edhe opozita, ndërkohë që më pas duhet punuar mbi ndryshimin e sistemit zgjedhor. Por ndryshe e mendon kreu i republikanëve, Fatmir Mediu.

Ekspertët zgjedhore të Partisë Demokratike janë duke punuar prej dy javësh mbi krijimin e një platforme të detajuar për reformën zgjedhore. Dokumenti i dakordësuar edhe me aleatët në koalicion do të jetë oferta e opozitës për reformën zgjedhore./ABC News Albania


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono