Një zyrtar i Hamasit ka deklaruar për Reuters se nuk është bërë asnjë përparim në lidhje me një armëpushim me Izraelin, për luftën në Gaza.
“Nuk ka asnjë ndryshim në pozicionin e okupimit dhe për këtë arsye, nuk ka asgjë të re në bisedimet e Kajros,” tha zyrtari i Hamasit.
“Nuk ka ende asnjë përparim,” shtoi ai.
Deklarata e zyrtarit vjen pavarësisht sugjerimeve nga Egjipti se bisedimet po përparojnë.
Ministri i Jashtëm izraelit, Israel Katz tha më herët se negociatat kishin arritur në një fazë “kritike”.
“Nëse funksionon, atëherë një numër i madh pengjesh do të kthehen në shtëpi,” theksoi ai./abcnews.al
