Thomas Tuchel zyrtarisht nuk është më trajner i PSG. Në media ishte bërë fakt që ditën e Krishtlindjes, por klubi francez nuk kishte dalë me komunikatë. Sot ka ndodhur dhe pritet që vendin e trajnerit gjerman ta zërë argjentinasi Mauricio Pochettino, i cili në të shkuarën ka qenë në krye të Tottenham.
NJOFTIMI – “Pas një analize të plotë të situatës sportive, PSG mori vendimin të ndërpresë kontratën me Thomas Tuchel. Gjermani mbërriti në stilin e Parisit në korrik të vitit 2018 dhe e drejtoi skuadrën kryeqytetase 127 herë, me një rekord fitores në 95 ndeshje, 12 barazime dhe 20 humbje (342 gola të shënuar dhe 109 gola të pësuar).
Communiqué du club
— Paris Saint-Germain (@PSG_inside) December 29, 2020
Ai udhëhoqi PSG deri në finalen e Champions League gushtin e kaluar, hera e parë që ndodhte në historinë e klubit”, shkruhet në një pjesë të njoftimit të PSG, që përmend edhe trofetë e fituara. Në lidhje me Tuchel ka folur edhe presidenti Nasser Al-Khelaifi.
“Do të doja të falënderoja Thomas Tuchel dhe stafin e tij për gjithccka që i kanë dhënë klubit. Thomas punoi me shumë energji dhe pasion dhe sigurosht që do t’i kujtojmë kohërat e bukura që kemi ndarë së bashku. I uroj më të mirën për të ardhmen e tij”, është shprehur numri një i klubit francez. /abcnews.al
