Te Kukësi është koha e rinovime të lojtarëve të rëndësishëm të skuadrës. Pas Redon Dragoshit i cili rinovoi kontratën me verilindorët edhe për një sezon, tashmë është radha e kapitenit të ekipit, Gjelbrim Taipi që të zgjasë qëndrimin në “Kukës Arena”.
Lajmin e ka bërë të ditur vetë klubi nëpërmjet një postimi në rrjetet sociale, ku bëhet e ditur se kapiteni ka rinovuar kontratën dhe do të vazhdojë të mbajë veshur fanellën e Kukësit edhe për 2 vite të tjera.
“FK Kukësi njofton se ka arritur marrëveshjen me kapitenin Gjelbrim Taipi për të rinovuar kontratën edhe për 2 sezone të tjera. Mesfushori nga Tërnoci, ka firmosur sot kontratën e re e cila skadon në verën e vitit 2024, duke zgjatur në këtë mënyrë bashkëpunimin.
Taipi u bashkua me Kukësin në sezonin 2020-2021 duke qenë ndër futbollistët më të rëndësishëm në ekip dhe njëkohësisht duke marrë edhe shiritin e kapitenit”, shkruan klubi.
View this post on Instagram
/f.a/abcnews.al
