Ernest Muçi ka nënshkruar me Tiranën kontratën e re, por njoftimi i klubi bardheblu është i paqartë. Sulmuesi ka nënshkruar edhe për sezonin e ri shkruajnë kampionët në njoftimin e bërë, ndërkohë që nuk saktësojnë që e kanë zgjatur edhe me një vit marrëveshjen.
“Klubi i futbollit Tirana njofton vazhdimësinë e kontratës me Ernest Muçin. Pas një viti të suksesshëm me fanellën bardheblu, sulmuesi dhe presidenca kanë gjetur gjuhën e përbashkët dhe kanë vendosur të zgjasin bashkëpunimin mes tyre edhe në sezonin e ri. Lojtari i rritur në kampin e kampionëve vazhdon të furnizoj sulmin në skuadrën e tij të zemrës”, shkruhet në njoftimin e Tiranës.
Muçi kishte edhe një vit kontratë me bardheblutë, skuadër ku ai është formuar dhe vjet fitoi titullin kampion. Rinovimi ishte i domosdoshëm, ndryshe verën e ardhshme klubi kryeqytetas do e humbiste me parametra zero. Gjithmonë nëse realisht nuk ka firmosur për sezonin… /abcnews.al
