Stephan El Shaarawy ka firmosur një rinovim të kontratës me Romën deri në qershor të vitit 2025.
Marrëveshja e mëparshme e anësorit italian kishte skaduar më 30 qershor. Kryeqytetasit tani kanë konfirmuar një zgjatje dyvjeçare të kontratës për 30-vjeçarin.
“Do të doja të falënderoja klubin që më dha mundësinë të vazhdoj të luaj futbollin tim këtu”, ka deklaruar El Shaarawy për faqen zyrtare të Romës.
“Roma ka qenë gjithmonë prioriteti im. Unë kam zbuluar familjen time të dytë këtu dhe ndjej përgjegjësinë për t’u shpërblyer fansave për gjithë dashurinë që më kanë treguar gjithmonë. Ne jemi rritur në aspektin e vetëbesimit dhe të qenit një grup i lidhur ngushtë me kalimin e viteve, kështu që tani duhet të vazhdojmë të luftojmë për të arritur qëllimet që meritojmë”, deklaroi italiani.
Në anën tjetër, drejtori i Romës, Tiago Pinto deklaroi: “Gjatë viteve, Stephan ka treguar se sa i lidhur është me këtë ekip dhe me këtë qytet, duke dhënë gjithashtu një kontribut pozitiv të vazhdueshëm brenda dhe jashtë fushës.
Ne jemi të kënaqur që sigurojmë përvojën dhe profesionalizmin e Stephanit te Roma për të ardhmen, së bashku me aftësitë e tij, asistimet dhe golat që e kanë bërë gjithmonë të dallohet”./ h.ll/abcnews.al
✍️ El Shaarawy: “La Roma è sempre stata la mia priorità, qui ho trovato una seconda famiglia e oggi avverto la responsabilità di restituire ai tifosi l’affetto che mi hanno sempre dimostrato”
? https://t.co/i3rixRfiKI#ASRoma pic.twitter.com/9WoxJhkF2G
— AS Roma (@OfficialASRoma) July 17, 2023
