Koln pësoi një humbje të rëndë ditën e djeshme. Skuadra gjermane u mposht 1-4 në shtëpi nga Freiburg, rezultat që pritet të sjellë rrëzimin në Bundesliga 2.
Skuadra renditet në vend të parafundit dhe ndodhet dy pikë larg zonës së shpëtimit. Dy ndeshjet e fundit luhen kundër Hertha Berlin dhe Schalke 04.
Drejtuesit e Koln kanë zyrtarizuar trajnerin e ri të skuadrës. Ai do të jetë Steffen Baumgart, i cili drejton Paderborn prej prillit të vitit 2017.
?⚪ Steffen Baumgart wird mit Beginn der Saison 2021/22 neuer #effzeh-Cheftrainer. Er hat einen ligaunabhängigen Vertrag bis 2023 unterschrieben.
— 1. FC Köln (@fckoeln) May 11, 2021
49-vjeçari nga Rostock do të jetë trajneri i ri i Koln, pavarësisht nëse ekipi ia del apo jo të sigurojë qëndrimin në elitën e futbollit gjerman.
Steffen Baumgart ka firmosur një kontratë deri në verën e vitit 2023 sipas postimin të Koln në faqen zyrtare. /abcnews.al
