Zvicra ka deklaruar se do të shpenzojë 2 miliardë dollarë për të dërguar ndihma humanitare dhe asistencë në zhvllimin e Ukrainës në 6 vitet e ardhshme. Vendimi është marrë pas kritikave të Perëndimit për të bërë më shumë për mbrojtur vendin kundër pushtuesve rusë.
Qeveria zvicerane ka konfirmuar se do të shpenzojë 2 miliardë dollarëve deri më 2028, përveç 300 milionë dollarëve që tashmë ka miratuar për këtë vit dhe vitin tjetër.
Rreth 650 milionë dollarë do të përdoren në rindërimin e Ukrainës. Shumë vende e kanë kritikuar Zvicrën edhe për faktin se nuk ka dërguar armë për të ndihmuar Ukrainën.
Mirëpo zviceranët kanë argumentuar se në kushtetutën e tyre flitet për neutralitet, dhe ndalon dërgimin e armëve në zona të luftës, siç është rasti në Ukrainë.
Presidenti rus, Vladimir Putin, e ka cilësuar luftën një “operacion special ushtarak” për të çmilitarizuar Ukrainën.
Si pasojë e luftës kanë vdekur mijëra persona dhe miliona të tjerë janë zhvendosur brenda ose jashtë kufijve të Ukrainës.
/abcnews.al
