Ambasada e Shteteve të Bashkuara të Amerikës dënon dhunën e deputetëve të Partisë Demokratike në Kuvendin e Shqipërisë. Një ditë pas akteve të dhunës, ndërkombëtarët bëjë thirrje për dialog mes palëve politike dhe jo shkatërrim.
“Ambasada e SHBA është thellësisht e shqetësuar për shkatërrimin dhe forcën e shpalosur në parlamentin shqiptar të hënën. Akte të tilla dëmtuese dhe potencialisht lënduese nuk kanë vend në procesin demokratik. Nxisim të gjitha palët e përfshira të ushtrojnë vetëpërmbajtje, të angazhohen në dialog konstruktiv si dhe të përqafojnë vlerat e respektit dhe qytetarisë.
Mbështesim diskutimet paqësore dhe bashkëpunuese lidhur me negociatat për anëtarësimin e Shqipërisë në BE si dhe do të vazhdojmë të qëndrojmë krah institucioneve shqiptare teksa punojnë për ta sjellë Shqipërinë më pranë bashkësisë euro-atlantike”.
Po ashtu pas kaosit, dhunës fizike dhe verbale si dhe djegies së karrigeve në Kuvendin e Shqipërisë, Partia Socialiste ka depozituar këtë të martë kërkesën për masën ndëshkimore për deputetët e opozitës
Seanca e së hënës do të duhet t’i shërbente Kuvendit të Shqipërisë për të adresuar në këtë institucion problemet e qytetarëve. Burime sugjerojnë se kërkesa synon të adresojë këtë situatë duke kërkuare përjashtimin e deputetëve përgjegjës për një kohë të caktuar me qëllim parandalimin e ngjarjeve të tilla. Sekretariati i Etikës pritet të caktojë ndëshkimet e demokratëve ditën e mërkurë.
Reagimi i plotë:
Ambasada e SHBA është thellësisht e shqetësuar për shkatërrimin dhe forcën e shpalosur në parlamentin shqiptar të hënën. Akte të tilla dëmtuese dhe potencialisht lënduese nuk kanë vend në procesin demokratik. Nxisim të gjitha palët e përfshira të ushtrojnë vetëpërmbajtje, të angazhohen në dialog konstruktiv si dhe të përqafojnë vlerat e respektit dhe qytetarisë. Mbështesim diskutimet paqësore dhe bashkëpunuese lidhur me negociatat për anëtarësimin e Shqipërisë në BE si dhe do të vazhdojmë të qëndrojmë krah institucioneve shqiptare teksa punojnë për ta sjellë Shqipërinë më pranë bashkësisë euro-atlantike.
