Loading ...
Në bashkinë e Delvinës situata me zjarrin eshte kritike. flakët janë përhapur në tre vatra. Për izolimin e tyre po punohet nga toka dhe ajri.
Disa banesa jane djegur, flaket i janë afruar rrugës nacionale. Ministria e Mbrojtjes ka urdhëruar evakuimin e menjëhershëm të banorëve në fshatrat Palavli, Vergo dhe Kopaçëz, në Bashkinë Delvinë, për shkak të rrezikut nga zjarret. Në operacion janë përfshirë edhe dy helikopterë të Forcës Ajrore, të cilët po veprojnë në zonën e Delvinës.
Sipas emergjencave civile 10 nga 29 vatrat e zjarrit të raportuara 24 orët e fundit në vend janë ende aktive.
Problematike paraqitet situata në malin e Sevasterit në Selenicë ku për shkak të terrenit të thepisur ndërhyrja për shuarjen e flakëve është e vështirë.
Në Majën e Paliskës në fshatin Dukat ndërhyrja e dy helikopterëve të Forcave Ajrore solli përmirësim të situatës ndërkohë po punohet për shuarjen e plotë të flakëve.
Nga Shkopeti në Kurbin zjarri sipas ministrisë së Mbrotjes është përhapur edhe në territorin e bashkisë Mirditë. 2 helikopterë hungarezë kanë ndihmuar për uljen e intensitetit të flakëve. Aktualisht banesat janë jashtë rrezikut ndërkohë po vijon puna për shuarjen e zjarrit.
Në fshatin Dishnicë të Korçës për izolimin e flakëve po punojnë rreth 70 forca të strukturave operacionale.
Ndërkohë në vendin e quajtur Liqeni i Luleve në Parkun Kombëtar të Lurës zjarri po zhvillohet në tre vatra. Për shuarjen e tij janë angazhuar rreth 100 forca nga të gjitha strukturat operacionale.
9 misione nga avioni Canadair kroat janë kryer për të shuar flakët në fshatin Zall Gjoçaj të Matit megjithkëtë vatrat janë ende aktive.
Rreziku për zjarre mbetet I lartë në të gjithë qarqet ndërkohë institute I Gjeoshkencave parashikon rrezik shumë të lartë në qarkun e Korçës. / abcnews.al
