Zjarr në rafinerinë e Volgogradit pas sulmit me dronë nga Ukraina

Një zjarr ka shpërthyer në një rafineri nafte në qytetin Volgograd të Rusisë, si pasojë e mbetjeve të rëna nga dronët ukrainas, njoftoi të enjten guvernatori i rajonit.

“Zjarri u lokalizua shpejt nga zjarrfikësit. Sipas të dhënave paraprake, nuk ka të lënduar,” shkroi guvernatori Andrey Bocharov në Telegram.

Ndërkohë, ministria ruse e Mbrojtjes deklaroi se sistemet e mbrojtjes ajrore kishin kapur dhe shkatërruar gjithsej 44 dronë ukrainas gjatë natës, përfshirë nëntë mbi rajonin e Volgogradit.

Sulmet me dronë ndaj infrastrukturës energjetike ruse janë intensifikuar kohët e fundit, ndërsa lufta në Ukrainë vazhdon të përshkallëzohet në disa fronte. / abcnews.al /