Një zjarr i madh ka rënë në një sipërfaqe ullishteje në Sauk të Vjetër tek Lapidari në kodër.
Për të bërë të mundur neutralizimin e flakëve, në vendin e ngjarjes janë nisur zjarrfikëset ndërsa njoftohet gjithashtu se nuk ka pasur probleme në njerëz apo dëme materiale.
Nuk dihet nëse zjarri ka qenë i qëllimshëm apo ka ndodhur aksidentalisht. Policia po punon më tej për zbardhjen e rrethanave.
Njoftimi i policisë:
Më datë 08.05.2020, rreth 14:35, në Sauk të Vjetër, tek Lapidari në kodër, ka rënë zjarr në një sipërfaqe ullishteje. Në vendngjarje janë nisur sherbimet e zjarrfikëses për të bërë të mundur fikjen e zjarrit. Nuk ka probleme për njerëzit dhe banesat.
Grupi hetimor dhe Sherbimet e Policisë vijojnë punën për zbardhjen e rrethanave të ngjarjes dhe përcaktimin e shkakut të zjarrit. /abcnews.al/
