Një zjarr i madh ka rënë gjatë mesditës së sotme në gadishullin e Karaburunit duke rrezikuar të shpërndahet edhe në zonat e mbrojtura pyjore në Llogara.
Zjarri në rënë në zonën e njohur si Mrizi dhe zjarrfikësit e kanë mjaft të vështirë të mbërrijnë atje qoftë edhe duke ecur.
Gazetari Elton Nika thekson për abcnews.al se bëhet fjalë për një sipërfaqe të konsiderueshme në shkurre dhe kullota dhe flakët rrezikojnë të shpërndahen në Llogara. Nuk dihet shkaku i zjarrit, dhe ka dyshime se bëhet fjalë për një zjarrvënie të qëllimshme.
Mësohet se zjarrfikësit po shkojnë në vatrën e zjarrit për të mos lejuar shpërndarjen e mëtejshme të flakëve. /abcnews.al
