Zinedine Zidane ka një shqetësim para ndeshjes së kthimit në Champions League, kundër Manchester City. Eden Hazard, sulmuesi anësor i transferuar në verë nga Chelsea, ende nuk ndjehet plotësisht i gatshëm për lojë.
Tekniku francez do të duhet të presë deri ditën e ndeshjes për të vendosur nëse do ta aktivizojë apo jo. Pra, belgu është në dyshim dhe këto ditë Zidane duhet të mendojë çdo plan të mundshëm.
⚠ Hazard no se siente del todo cómodo y Zidane esperará hasta el último momento para decidir si juega o no ante el City
✍ por @MarioCalderonMD https://t.co/OtfRcl7y54
— Mundo Deportivo (@mundodeportivo) August 5, 2020
Kundër skuadrës së Pep Guardiola do të jetë një ndeshje shumë e vështirë, edhe për faktin se City e ka fituar 2-1 ndeshjen e parë në Madrid.
Kjo e komplikon edhe më shumë çështjen e kualifikimit në fazën çerekfinale të Champions Laegue. Takimi City-Real Madrid është në program për ditën e premte, prej orës 21:00. /abcnews.al
