Dy golat e Sergio Ramos dhe Dani Carvajal i dhuruan një fitore shumë të rëndësishme Realit të Madridit. Ky trepikësh i ka ngjitur në krye të renditjes “Los Blancos”, teksa Zinedine Zidane analizon gjithçka në prononcimin e dhënë pas ndeshjes. Kritikat e pësuara një muaj më parë nuk i ka harruar. Ekipi është i njëjti, thjeshtë është ruajtur qetësia dhe lojtarët janë përmirësuar.
“Nuk kemi ndryshuar, thjeshtë jemi përmirësuar ndjeshëm. Nuk duhet të humbnim qetësinë dhe ashtu ka ndodhur. Këto lloj fitoresh tregojnë shumë, janë thelbësore për ecurinë tonë. Tani po arrijmë të fitojmë edhe në fusha të vështira si kjo e Alavesit.
Po luajmë me personalitet dhe po tregojmë se dimë të vuajmë. Gjithsesi, unë nuk i harroj fjalët dhe kritikat që vërshuan një muaj më parë. Kemi nevojë vetëm për qetësi. Kampionati është akoma shumë i gjatë, le të vazhdojmë punën dhe të mos e humbasim përqendrimin“, përfundon trajneri i Real Madrid. /abcnews.al
