Skënderbeu u mposht një ditë më parë nga Tirana, me rezultatin 2-3, dhe tani Kastrioti i vendit të fundit u është afruar me një pikë.
Kapiteni Vangjel Zguro, përmes një postimi në rrjetet sociale, u premton tifozëve korçarëve që do të fitojnë që në ndeshjen e radhës.
Skënderbeu luan në mesjavë në Kupë kundër Teutës dhe më pas pret Partizanin në Korçë për kampionat. Zguro në “Facebook” shkruan:
“Si kapiteni ekipit dhe në emër të gjithë çunave, dua të reagoj dhe premtoj që në ndeshjen e radhës ekipi do ju rikthehet rezultateve pozitive.
Ne jemi Skënderbeu, nuk dorëzohemi lehtë dhe të gjithë e dinë mirë këtë gjë. Vetëm të gjithë të bashkuar, si ekip, si staf, si tifozë ne do t’ia dalim, ashtu siç ia dolëm dhe sezonin e kaluar. Forca Skënderbeu”. / abcnews.al
