Ka përfunduar procesi i votimit në Kosovë. Qendrat e votimeve në të gjithë vendin janë mbyllur. Qytetarët patën mundësinë të shfrytëzojnë të drejtën e tyre të votës që nga ora 07:00 e mëngjesit, deri në ora 19:00.
Tanimë është bërë e ditur se vendvotimet janë mbyllur dhe se ka përfunduar procesi i votimit për zgjedhjet e parakohshme të zhvilluara sot në të gjithë territorin e Kosovës.
Deri në orët e vona të mbrëmjes së sotme pritet që Komisioni Qendror Zgjedhor të bëjë të ditura rezultatet e para. Ndërkaq, deri në ora 15:00, 32.38 përqind e qytetarëve të Kosovës kishin shprehur vullnetin e tyre në kutitë e votimit. g.v/abcnews.al
