Një pjesë e shqiptarëve mendojnë se Donald Trump do të fitojë një mandat të dytë presidencial në SHBA. Disa prej qytetarëve në Korçë të intervistuar nga ABC shprehën opinionin e tyre. “Trump na pëlqen, është burrë trim. Biden edhe radhën e parë që kandidoi nuk fitoi. Trump është guximtar, nga ato kuqot e fortë” tha njëri.
“Nuk besoj se fiton Trump, se politika që ka ndjekur, mund të humbë pikë. Nuk e di, se nuk jam marrë me fushatën e tyre. Shqipëria është e para, por edhe Amerika është një superfuqi që na ka ndihmuar” tha një tjetër.
“Ca na duhet ne Amerika? Ne nuk po e zgjidhim dot në vendin tonë jo në Amerikë. Kush të dojë le ta marrë. Ne nuk po rregullojmë dot shtëpinë tonë”. Ndërsa një tjetër qytetar në Devoll u shpreh se nëse qëndron shumë vite në pushtet zë merimanga.
“Fiton Trump. Ka punuar” i tha një qytetar, gazetarit të ABC-së në Shkodër. “Trump pasi flitet që ka punuar dhe ka rritur ekonominë” tha një tjetër në veri. “Unë jam tifoz me popullin amerikan, kush të fitojë për mua nuk ka rëndësi, ne duhet te jemi miq me Amerikën.
Nuk e di mentalitetin e popullit amerikan, secili ka preferencat e veta, është kot me fol ne prej këtu. Unë jam me Amerikën. Zoti krijoi tokën, popullsia krijoi Amerikën, Amerika është një dhe e vetme për ne” tha një tjetër. Por nuk mungojnë edhe indiferentët. “Kemi hallet tona”./ db/Abcnews.al
