Kina ka thyer heshtjen për zgjedhjet amerikane, një jave pas rezultatit dhe ka përgëzuar për fitoren presidentin e zgjedhur Joe Biden.
‘Ne respektojmë zgjedhjen e popullit amerikan. Ne i shprehim urimet tona Biden dhe zonjës Harris,” tha zëdhënësi i ministrisë së jashtme Wang Wenbin në një konferencë shtypi, duke uruar edhe nën-presidenten Kamala Harris.
Deri më tani Trump ka refuzuar të pranojë humbjen, por liderë të shumtë në botë, përfshirë kancelaren gjermane Angela Merkel kanë uruar tashmë Biden për fitoren e tij, ndërkohë demokrati Joe Biden ka komunikuar me disa nga liderët europiane.
Agjencia federale e ngarkuar për caktimin e fondeve për tranzicionin e pushtetit ende nuk e ka njohur Biden si fitues. Kjo do të thotë që stafi i tij nuk mund të ketë qasje në informacione apo në të dhëna nga agjencitë e inteligjencës./abcnews.al
