Unioni CDU/CSU doli fitues i zgjedhjeve në Gjermani. Në një intervistë në emisionin “Real Story” në ABC News, analisti Mentor Nazarko foli për zgjedhjet në Gjermani, duke thënë se me fitoren e Merz ka fituar identiteti gjerman.
“Trump u gëzua më shumë për fitoren e këtij aksi. E konsideroi si rritje për Gjermaninë dhe botën faktin që fitoi, ky aks, kjo prirje elektorale. Kjo ishte një nxitje për të kuptuar sa Trump e vlerëson pragmatizmin. Me fitoren e Merz ka fituar ndjenja e fortë e krenarisë gjermane, identiteti gjerman edhe përballë SHBA. Merz e përqafoi këtë prirje, megjithëse ishte shpallur si euroatlantist, por këtij presioni amerikan i ishte përgjigjur me nota të qarta distancimi që krijoi edhe valën e simpatisë. Me këtë vlerësim Trump tregoi që është pragmantik, në emër të lartësimit të figurës së vet si njeri që përcakton trendet e orientimit elektoral… Disa prej qëndrimeve që karakterizojnë CDU/CSU e Merz rezonojnë, janë në të njëjtën gjatësi vale me Trump, qëndrimet antiemigracion…”, tha Nazarko, duke shtuar: “Doja të qetësoja pak atë propagandën që po ngrihet në Shqipëri, “shiko se çfarë ka thënë Rama për Trump, kur Trump me këtë qasje të tij nuk do t’ja dijë se çfarë thonë. Edhe intelekutor si Merz i pozicionuar kritikisht ndaj tij, ai e përgëzoi për arritjen, imagjino sa indiferent është ndaj faktit se Rama i ka thënë para 8 vitesh se do të jetë një rrezik i madh për botën fitorja e Trump. Fitorja e Merz nuk ka krijuar këtë fërkimin e pritshëm midis SHBA dhe Evropës, duhet të presim shumë për ta parë”, tha ai.
/abcnews.al/
