Loading ...
Një karrige larg kontrollit të Senatit duket se janë demokratët në SHBA pasi, sipas agjencive ndërkombëtare, senatori demokrat i Arizonës Mark Kelly fitoi betejën kundër republikanit Blake Masters.
Me 83% të votave të numëruara në Arizona, Kelly ka një diferencë votash që konsiderohet e pamundur të përmbyset dhe mbizotëron ndaj Masters me një përqindje që i afrohet 52%.
Kjo do të thotë se nëse demokratët fitojnë në Nevada, ata do të marrin kontrollin e Senatit pavarësisht nga rezultati i balotazhit për vendin në Georgia. Rezultati në Nevada mund të mos bëhet i ditur për disa ditë, pasi zyrtarët vlerësojnë se numërimi i votave me postë do të zgjasë deri javën e ardhshme.
Sipas mediave lokale, diferenca mes dy kandidatëve në shtetin perëndimor të SHBA-së është shumë e vogël, ndaj është e vështirë të bëhen vlerësime në këtë fazë, me 90% të votave të numëruara.
Më konkretisht, bazuar në raportin e CNN, pak orë më parë kandidati republikan Adam Laxalt ishte vetëm 800 vota përpara demokrates Kathryn Cortez Masto.
Sipas rrjetit amerikan, është shumë e rëndësishme që kandidatja demokrate të “fitojë” Clark County për ta kthyer valën në favor të saj dhe numërimi i deritanishëm tregon se ajo mund t’ia dalë.
/abcnews.al
