Analisti Mentor Nazarko tha se nëse ‘barrikada’ Berisha do të vijojë të jetë në PD, do të ketë rritje të partive të reja. Sipas tij, rotacioni në vendin tonë është i mundur dhe këto parti të reja sollën prurje të reja dhe nxitën partitë e mëdha.
“Kjo lloj fitore e tij që është më dërrmuese, duhet përjetuar me modesti dhe jo triumfalizëm. Moszhvillimi i këtij vendimi është i duhur. Vendimet e KQZ janë ose jo shkelje të ligjit nuk po i futem kësaj pjese, duhen trajtuar PD me moderacion, Shqipërisë nuk i duhet konfliktualiteti. Berisha prapë do prishi festën. Nëse do të jetë barrikada e Berishës brenda PD, do sjell rritje të partive të reja. Rotacioni është i mundur edhe në Kolumbi ku ka narkoshtet jo më në Ballkan. Rotacioni këtu është i mundur, këto parti të reja me gjithë dembelizmin, sollën një prurje të re, nxitën partitë e mëdha.”
Analisti Skënder Minxhozi tha se me numrat që shohim nga partitë e reja, është një komfort burokratik më shumë sesa bazë për të ardhmen.
“Këto parti janë një simpati e popullatës në kushte të një krize partiake, ku e djathta ka rënë dhe me votat e mbetura në ajër janë krijuar këto vota vakante që po e shfrytëzojnë tre katër deputetë për të kapur kuota në parlament. Me numrat që shohim, është më shumë një komfort burokratik sesa një bazë për të ardhmen.”
