Presidenti ukrainas, Volodymyr Zelenskyy tha të dielën se inkursioni ushtarak në rajonin Kursk të Rusisë synon të krijojë një zonë tampon për të parandaluar sulmet e mëtejshme nga Moska përtej kufirit.
Kjo është hera e parë që presidenti ukrainas deklaroi qartë qëllimin e operacionit, i cili filloi më 6 gusht. Më parë, ai ka deklaruar se operacioni kishte për qëllim mbrojtjen e komuniteteve në rajonin kufitar Sumy nga bombardimet e vazhdueshme.
“Tani është detyra jonë kryesore në operacionet mbrojtëse në përgjithësi – të shkatërrojmë sa më shumë potencial luftarak rus dhe të kryejmë veprime maksimale kundërsulmuese. Kjo përfshin krijimin e një zone tampon në territorin e agresorit – operacionin tonë në rajonin e Kurskut.”, tha ai në fjalimin e tij të darkës.
Gjatë fjalimit ai përsëriti gjithashtu thirrjet drejtuar aleatëve për të përshpejtuar dërgesat e ndihmës ushtarake – duke veçuar Britaninë e Madhe, si dhe SHBA-në dhe Francën.
Këtë fundjavë, Ukraina ka shkatërruar një urë kyçe në rajon dhe ka goditur një të dytë aty pranë, duke ndërprerë linjat e furnizimit teksa ka shtyrë një inkursion mahnitës ndërkufitar që filloi më 6 gusht./abcnews.al
