Ushtria ruse lëshoi rreth 900 bomba të drejtuara, më shumë se 40 raketa dhe 400 dronë në Ukrainë brenda një jave, njoftoi presidenti ukrainas Volodymyr Zelensky në Facebook.
Sipas fjalëve të tij, asnjë vend nuk duhet të kalojë vetëm nëpër situata të tilla.
Ai shtoi se partnerët e Ukrainës kanë një shans për të siguruar sasinë dhe cilësinë e nevojshme të sistemeve të mbrojtjes ajrore, si dhe për të marrë vendime për gamën e mjaftueshme të sulmeve ukrainase dhe për të siguruar dërgimin në kohë të ndihmës ushtarake për mbrojtjen e atij vendi.
Zelensky theksoi se nuk duhet humbur kohë dhe se duhet të dërgohet sinjali i nevojshëm i vendosmërisë.
“Ne po punojmë me vendosmëri dhe këmbëngulje për t’i dhënë Ukrainës mundësinë për t’iu përgjigjur plotësisht terrorit rus,” tha ai.
Forcat e armatosura të Ukrainës kanë rrëzuar mbrëmjen e së shtunës 31 dronë luftarakë rusë, ndërsa 36 dronë rusë kanë humbur./abcnews.al
