Do të jetë një “rrugë e hapur” për trupat ruse për të pushtuar qytetet e tjera në Ukrainë nëse marrin kontrollin e Bakhmutit, ka paralajmëruar presidenti ukrainas Zelensky në një intervistë për CNN.
“E kuptojmë se pas Bakhmutit ata mund të shkojnë më tej. Do të jetë një rrugë e hapur për rusët pas Bakhmutit për në qytetet e tjera në Ukrainë në drejtimin e Donetsk në lindje të Ukrainës,” tha Zelensky.
Beteja për Bakhmut, e cila është ende nën kontrollin e Kievit, ka vazhduar për shtatë muaj, me mijëra njerëz të vrarë dhe qindra ndërtesa të shembura ose të djegura. Disa civilë të mbetur janë mbyllur në bodrume për muaj të tërë pa ujë të rrjedhshëm, energji elektrike apo gaz.
/abcnews.al
