Presidenti ukrainas Volodymyr Zelensky tha se shpreson të ketë një telefonatë me presidentin amerikan Joe Biden në ditët në vijim për të diskutuar kërkesën e Kievit për një ftesë për t’u bashkuar me aleancën ushtarake të NATO-s.
Duke folur në një konferencë për shtyp me liderin e opozitës gjermane, Friedrich Merz, i cili po viziton vendin, ai shtoi se nuk ka kuptim të ngrihet kjo çështje me Presidentin e zgjedhur Donald Trump, pasi ai ende nuk ka marrë detyrën.
“Kam në plan të telefonoj presidentin Biden në të ardhmen e afërt për të diskutuar çështjen e një ftese për t’u bashkuar me NATO-n”, u tha Zelensky gazetarëve përmes një përkthyesi.
Në fund, ai shtoi “Ai është presidenti aktual dhe shumë varet nga mendimi i tij. Të flasësh me Trump përpara se të marrë detyrën nuk ka shumë kuptim”./abcnews.al
