Përmes një statusi në rrjetet sociale, Kryeministri Rama është shprehur se kompania SHELL pas testimeve finale, në zonën e malit të Shpiragut në rrethin e Beratit, ka konfirmuar nxjerrjen në treg të sasisë së naftës dhe të gazit. Rama është shprehur se ky është një lajm fantastik për rritjen ekonomike të vendit.
Në vitet 1989-1990 është kërkuar naftë duke u realizuar në rrëzë të Shpiragut, saktësisht në fshatin Mbreshtan në një pus rreth 5000 metër por që pësoi avari në fund. Punimet u ndërprenë për shkak të ndryshimit të sistemit. Rreth 10 vite më parë një kompani amerikane në të njëjtin vend dhe në të njëjtën thellësi arriti të gjente një shtresë të konsiderueshme naftëmbajtëse. Por investimi ju shit kompanisë britanike Shell që sa duket tashmë ka realizuar një tjetër sukses me një pus tjetër.
Nisur nga statusi i Ramës ka të ngjarë që bëhet fjalë për të njëjtin pus nafte, por që tashmë kompania Shell ka vendosur ta shfrytezojë. Kjo do të thotë se shteti shqiptar do të marrë një pjesë të fitimit nga shitja e produktit./abcnews.al
./abcnews.al
Lajm fantastik për rritjen e nesërme ekonomike të vendit konfirmimi pozitiv i testimeve finale të kompanisë SHELL mbi nxjerrjen në treg të sasisë së naftës dhe të gazit të zbuluar në Shpirag? Kompania që hyri në Shqipëri në 2015 vijon investimet për zbulime burimesh të tjera?
— Edi Rama (@ediramaal) May 24, 2019
